IPL 2022 Mega Auction: लिलावाची तारीख ठरली, बंगळुरुत ‘या’ दिवशी जमणार संघ मालक

नव्या संघांसाठी रिटेंशनची तारीख 25 डिसेंबर होती. पण आता ही मर्यादा वाढवण्यात येईल. अजूनपर्यंत अहमदाबाद फ्रेंचायजीचं लेटर ऑफ इटेंट सीवीस कॅपिटलला मिळालेलं नाही.

ipl

TV9 मराठी डिजीटल टीम | Edited By: भीमराव गवळी | Updated on: Dec 23, 2021 | 6:16 PM

बंगळुरु: आयपीएल 2022 च्या मेगा ऑक्शनची (IPL 2022 Mega Auction)तारीख जाहीर झाली आहे. दोन दिवस ही लिलाव प्रक्रिया चालणार आहे. 12 आणि 13 फेब्रुवारीला लिलाव होईल. बंगळुरुमध्ये हा लिलाव आयोजित केला जाणार आहे. आयपीएलच्या इतिहासातील हा सर्वात मोठा लिलाव असेल. या मेगा ऑक्शनसाठी खेळाडूंची यादी जानेवारीपर्यंत निश्चित केली जाईल. आयपीएल 2022 मध्ये लखनऊ आणि अहमदाबाद हे दोन नवीन संघ दाखल झाले आहेत. या संघांना जास्तीत-जास्त तीन खेळाडू रिटेन करण्याचा अधिकार मिळाला आहे. मेगा ऑक्शन आधी हे रिटेंशन होणार आहे.

नव्या संघांसाठी रिटेंशनची तारीख 25 डिसेंबर होती. पण आता ही मर्यादा वाढवण्यात येईल. अजूनपर्यंत अहमदाबाद फ्रेंचायजीचं लेटर ऑफ इटेंट सीवीस कॅपिटलला मिळालेलं नाही. सीवीसी कॅपिटल बेटिंग कंपनीसोबतच्या लिंकच्या चर्चेमुळे वादात सापडली होती. बीसीसीआयला कायदेशीर सल्ला घ्यावा लागला होता. बीसीसीआय अधिकृतरित्या लवकरच सीवीसी कॅपिटलला अहमदाबाद संघाचा मालकी हक्क देईल.

लखनऊ या दुसऱ्या नव्या फ्रेंचाजयी बाबत कुठलाही वाद नाहीय. त्यांनी आपले मुख्य प्रशिक्षक अँडी फ्लॉवर, सहाय्यक कोच विजय दहिया आणि मार्गदर्शक गौतम गंभीर निश्चित केले आहेत. केएल राहुल लखनऊ संघाकडून खेळेल अशी चर्चा आहे. आयपीएलमध्ये आधीपासून असलेल्या आठ संघांनी 30 नोव्हेंबरला रिटेन केलेल्या खेळाडूंची नाव दिली होती. ऑक्शनच्याआधी सर्व संघांना 90 कोटी रुपयांचे पर्स दिले आहे. खेळाडूंना रिटेन केल्यानंतर पर्समधून पैसे वजा होतात. त्यानंतर पर्समध्ये उरलेल्या रक्केमतूनच मेगा ऑक्शनमध्ये खेळाडूंवर बोली लावली जाते.