Sachin Tendulkar: सचिन तेंडुलकरने खरेदी केली 70 कोटींची जमीन, या हिल स्टेशनवर बांधणार ड्रीम होम!
Sachin Tendulkar Buys Land: मास्टर ब्लास्टर सचिन तेंडुलकरने श्रीच्या आगमनापूर्वी या हिल स्टेशनवर 70 कोटी रुपयांची जमीन खरेदी केली आहे. त्यांनी 3.86 एकर जमीन खरेदी केली आहे. या ठिकाणी तो दुसरं घर बांधणार असल्याची माहिती समोर येत आहे.
क्रिकेटचा देवा सचिन तेंडुलकर याने 3.86 एकर जमीन खरेदी केली आहे. या जमिनीची किंमत 70 कोटी रुपये इतकी आहे. थंड हवेच्या ठिकाणी एक आलिशान घर बांधण्याच्या उद्देशाने त्याने जमीन विकत घेतली आहे. राज्यातील या प्रसिद्ध हिल स्टेशनवर त्याचे हे सेकंड ड्रीम होमचं स्वप्न साकारणार आहे. या 4 सप्टेंबर 2026 रोजी जमिनीची खरेदी झाल्याचे Zapkey च्या वृत्तात म्हटले आहे. मास्टर ब्लास्टरने या ठिकाणी तीन जमिनीचे तुकडे खरेदी केल्याची माहिती समोर आली आहे.
या हिल स्टेशनवर जमिनीची खरेदी
तीन वेगवेगळ्या खरेदीपत्रानुसार, सचिन तेंडुलकर याने जवळपास 3.86 एकर जमीन खरेदी केली. त्यापोटी त्याला 70 कोटी रुपये मोजावे लागले आहे. पुण्यातील मावळ तालुक्यातील लोणावळा येथे त्याने 15,601.78 चौरस मीटर जागा खरेदी केली आहे. यातील सर्वात मोठ्या जमिनीच्या तुकड्यासाठी म्हणजे 3.09 एकरसाठी त्याने 63.69 कोटी रुपये मोजले आहेत. तर दुसरा जमिनीचा व्यवहार 4.56 कोटींमध्ये तर तिसरा जमिनीचा तुकडा 1.75 कोटी रुपयांत खरेदी केला आहे. 3.09 एकर जमिनी ही त्याच्या पूर्णता मालिकीची आहे. तर इतर दोन जमिनीत त्याची 50 टक्के सहभागीदारी असल्याचे समोर आले आहे.
इतके मोजले मुद्रांक शुल्क
या तीनही जमिनी त्याने नंदन मेहता आणि विवस्वत मेहता यांच्याकडून खरेदी केली आहे. या जमिनीच्या व्यवहारापोटी त्यांनी 4.20 कोटी रुपयांचे मुद्रांक शुल्क, स्टॅम्प ड्युटी जमा केली. तर नोंदणी शुल्कासाठी 90 हजार रुपये मोजले आहेत. Zapkey नुसार, प्रत्येक चौरस मीटर 4,168 चौरस फुट दरानुसार ही जमीन खरेदी करण्यात आली आहे. या व्यवहारावर सचिन तेंडुलकर आणि मूळ जमीन मालक यांनी कोणतेही अधिकृत वक्तव्य केलेले नाही.
लोणावळा हे पुण्यापासून 60 किलोमीटर अंतरावर आहे. ते राज्यातीलच नाही तर देशातील प्रसिद्ध थंड हवेचे ठिकाण आहे. आठवड्याच्या अखेरीस या ठिकाणी पर्यटकांची तोबा गर्दी होते. मान्सून आणि हिवाळ्यात येथे गर्दी असते. तसे 12 ही महिने येथे पर्यटकांचा राबता असतो. या ठिकाणची गुंतवणूक ही कमाईचे साधन मानले जाते. बॉलिवूड, क्रिकेट जगतापासून अनेक सेलिब्रिटींचे इथे बंगले आहेत. यातील काही भाग पर्यटकांना राहण्यासाठी देण्यात येतो. त्यातून या बंगल्याची देखभाल करण्यात येते. या ठिकाणी दुसरे घर बांधणाऱ्यांमध्ये अनेक परदेशी भारतीय सुद्धा आहेत. तर मोठे व्यापारी, व्यावसायिकांची सुद्धा इथं आलिशान बंगले आहेत.
