SRH vs RCB Score Updates and Highlights, IPL 2026: हैदराबादचा 55 धावांनी विजय, आरसीबीचा पराभवाने शेवट

सनरायझर्स हैदराबादने आयपीएल 2026 स्पर्धेत साखळी फेरीतील आपला शेवटचा सामना जिंकला आहे. हैदराबादने घरच्या मैदानात रॉयल चॅलेंजर्स बंगळुरुवर 55 धावांनी विजय मिळवला.  हैदराबादने आरसीबीसमोर 256 रन्सचं टार्गेट ठेवलं होतं. मात्र आरसीबीला 20 ओव्हरमध्ये 4 विकेट्स गमावून  200 धावांपर्यंतच पोहचता आलं. आरसीबी अशाप्रकारे साखळी फेरीचा शेवट विजयाने करण्यात अपयशी ठरली.

सनरायझर्स हैदराबादने आरसीबीला चौथा झटका दिला आहे. ट्रॅव्हीस हेड याने आरसीबीचा कॅप्टन रजत पाटीदार याला आऊट केलं. रजतने 39 बॉलमध्ये 56 रन्स केल्या.

सनरायझर्स हैदराबादला आरसीबीला 165 धावांवर रोखणं आवश्यक होतं. पण तसं काही करता आलं नाही. त्यामुळे हैदराबादचं टॉप 2चं गणित चुकलं आहे. आता एलिमिनेटर फेरीत खेळावं लागणआर आहे.

आरसीबीचा कर्णघार रजत पाटीदार याने सनरायझर्स हैदराबाद विरुद्ध अर्धशतक झळकावलं आहे. यासह आरसीबी पॉइंट्स टेबलमध्ये साखळी फेरीनंतर आपलं पहिलं स्थान कायम राखणार असल्याचं निश्चित झालं आहे. यासह हैदराबादची टॉप 2 मध्ये येण्याची संधी हुकली आहे.

आरसीबी आणि हैदराबाद सामन्यात चुरस कायम आहे. आरसीबीने 13 ओव्हरमध्ये 3 विकेट्स गमावून 127 धावा केल्या आहेत. रजत पाटीदार आणि कृणाल पंड्या दोघेही प्रत्येकी 21 -21 धावा करुन नाबाद खेळत आहेत. आरसीबीला विजयासाठी 7 ओव्हरमध्ये आणखी 129 रन्सची गरज आहे.

हैदराबादने आरसीबीला तिसरा झटका दिला आहे. एशान मलिंगा याने विराट कोहली याच्यानंतर देवदत्त पडीक्कल याला मैदानाबाहेरचा रस्ता दाखवला आहे. देवदत्तने 14 बॉलमध्ये 21 रन्स केल्या. देवदत्त आऊट झाल्याने आरसीबीचा स्कोअर 8.5 ओव्हरमध्ये 3 आऊट 94 असा झाला आहे.

हैदराबादने आरसीबीला दुसरा आणि सर्वात मोठा झटका दिला आहे. साकीब हुसैन याने विराट कोहली याला स्मरण रवीचंद्रन याच्या हाती कॅच आऊट केलं. विराटने 11 बॉलमध्ये 15 रन्स केल्या.

एशान मलिंगा याने आरसीबीची सलामी जोडी फोडली आहे. एशानने वेंकटेश अय्यर याला अभिषेक शर्मा याच्या हाती कॅच आऊट केलं. यासह वेंकटेशच्या खेळीचा शेवट झाला. वेंकटेश आणि विराटने पहिल्या विकेटसाठी 4.3 ओव्हरमध्ये 60 रन्स जोडल्या.

विराट कोहली आणि वेंकटेश अय्यर या सलामी जोडीने आरसीबीला संयमी सुरुवात मिळवून दिली आहे. या दोघांनी 256 रन्सचा पाठलाग करताना 3 ओव्हरमध्ये बिनबाद 34 रन्स केल्या आहेत. वेंकटेश 22 आणि विराट 11 रन्सवर नॉट आऊट खेळत आहे.

आरसीबीच्या बॅटिंगला सुरुवात झाली आहे. आरसीबीकडून विराट कोहली आणि वेंकटेश अय्यर सलामी जोडी मैदानात आली आहे. हैदराबादने आरसीबीसमोब 256 रन्सचं टार्गेट ठेवलं आहे.

सनरायझर्स हैदराबादने रॉयल चॅलेंजर्स बंगळुरुच्या गोलंदाजांची धुलाई केली आहे. हैदराबादने 20 ओव्हरमध्ये 4 विकेट्स गमावून 255 धावा केल्या. हैदराबादसाठी एकूण तिघांनी अर्धशतकी खेळी केली. इशान किशन, अभिषेक शर्मा आणि हेनरिक क्लासेन या तिघांनी अर्धशतक झळकावलं. तर ट्रॅव्हीस हेड आणि नितीश कुमार रेड्डी या दोघांनी छोटेखानी मात्र निर्णायक खेळी केली. त्यामुळे आता आरसीबी हा सामना जिंकणार की हैदराबाद रोखणार? हे पाहणं महत्त्वाचं ठरणार आहे.

कृणाल पंड्या याने इशान किशन आणि हेनरिक क्लासेन सेट आणि स्फोटक जोडी फोडली आहे. कृणालने क्लासेनला वेंकटेश अय्यर याच्या हाती कॅच आऊट करुन मैदानाबाहेरचा रस्ता दाखवला. क्लासेनने 24 बॉलमथ्ये 51 रन्स केल्या.

हेनरिक क्लासेन आणि इशान किशन ही जोडी आरसीबीच्या गोलंदाजांची धुलाई करत आहेत. या दोघांनी मैदानात चौफेर फटकेबाजी करुन तिसऱ्या विकेटसाठी शतकी भागीदारी केली आहे. अशाप्रकारे हैदराबादच्या 15.2 ओव्हरमध्ये 200 धावा पूर्ण झाल्या आहेत.

हेन्रिक क्लासेन आणि इशान किशन जोडी जमली आहे. या दोघांनी हैदराबादला 13 ओव्हरनंतर 2 आऊट 156 रन्सपर्यंत पोहचवलं आहे.  इशान 38 आणि  क्लासेन 28 रन्सवर नॉट आऊट खेळत आहेत.

इशान किशन याने फटकेबाजीला सुरुवात केली आहे. इशान आणि हेन्रिक क्लासेन या दोघांनी हैदराबादला 11 ओव्हरनंतर 2 आऊट 124 रन्सपर्यंत पोहचवलं आहे. इशान 34 आणि क्लासेन 3 रन्सवर नॉट आऊट खेळत आहे.

आरसीबीने हैदराबादला दुसरा झटका दिला आहे. सूयश शर्मा याने अभिषेक शर्मा याला कॉक्स याच्या हाती कॅच आऊट केलं. अभिषेकने 56 धावांची खेळी केली. मात्र अभिषेक फटकेबाजीच्या प्रयत्नात कॅच आऊट झाला.

इशान किशन आणि अभिषेक शर्मा जोडी जमली आहे. या दोघांनी हैदराबादला 7 ओव्हरमध्ये 1 आऊट 77 रन्सपर्यंत पोहचवलं आहे. इशान 9 आणि अभिषेक शर्मा 39 रन्सवर नॉट आऊट खेळत आहेत.

रसीख सलाम डार याने हैदराबादला पहिला झटका दिला आहे. रसीखन ट्रॅव्हीस हेड याला क्लीन बोल्ड केलं. हेडने 16 बॉलमध्ये 26 रन्स केल्या. हेडने या खेळीत 5 चौकार ठोकले.

ट्रॅव्हीस हेड आणि अभिषेक शर्मा या सलामी जोडीने हैदराबादला संयमी सुरुवात मिळवून दिली आहे. या दोघांनी पहिल्या 3 ओव्हरमध्ये बिनबाद 33 धावा केल्या आहेत.  त्यामुळे आता हे दोघे गिअर बदलून फटकेबाजीला सुरुवात करणार का? हे पाहणं महत्त्वाचं ठरणार आहे.

सनरायझर्स हैदराबाज विरुद्ध रॉयल चॅलेंजर्स बंगळुरु सामन्याला सुरुवात झाली आहे. हैदराबादने टॉस जिंकून बॅटिंगचा निर्णय घेतला आहे. हैदराबादकडून ट्रॅव्हीस हेड आणि अभिषेक शर्मा ही सलामी जोडी मैदानात आली आहे.

सनरायझर्स हैदराबाद प्लेइंग ईलेव्हन: अभिषेक शर्मा, ट्रॅव्हिस हेड, इशान किशन (विकेटकीपर), हेनरिक क्लासेन, सलील अरोरा, स्मरण रवीचंद्रन, नितीश कुमार रेड्डी, पॅट कमिन्स (कॅप्टन), शिवांग कुमार, एशान मलिंगा आणि साकिब हुसैन.

रॉयल चॅलेंजर्स बंगळुरू प्लेइंग ईलेव्हन : विराट कोहली, देवदत्त पडिक्कल, रजत पाटीदार (कर्णधार), व्यंकटेश अय्यर, जितेश शर्मा (विकेटकीपर), क्रुणाल पंड्या, रोमॅरियो शेफर्ड, भुवनेश्वर कुमार, जोश हेझलवूड, सुयश शर्मा आणि रसिक सलाम दार.

हैदराबादने रॉयल चॅलेंजर्स बंगळुरु विरुद्धच्या सामन्यात टॉस जिंकला आहे. कर्णधार पॅट कमिन्स याने टॉस जिंकून आरसीबी विरुद्ध बॅटिंगचा निर्णय घेतला आहे. हैदराबादसाठी टॉप 2 मध्ये पोहचण्यासाठी हा सामना अतिशय महत्त्वाचा आहे.

सनरायझर्स हैदराबाद विरुद्ध रॉयल चॅलेंजर्स बंगळुरु यांच्यातील सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी 7 वाजता टॉस होणार आहे. सामन्याचं आयोजन हे हैदराबादमधील नरेंद्र मोदी स्टेडियममध्ये करण्यात आलं आहे.

सनरायझर्स हैदराबाद टीम: अभिषेक शर्मा, इशान किशन (विकेटकीपर), हेनरिक क्लासेन, सलील अरोरा, स्मरण रविचंद्रन, नितीश कुमार रेड्डी, पॅट कमिन्स (कर्णधार), शिवांग कुमार, एशान मलिंगा, साकिब हुसेन, प्रफुल हिंगे, ट्रॅव्हिस हेड, लियाम लिव्हिंगस्टोन, अनिकेत वर्मा, हर्ष दुबे, हर्षल पटेल, जयदेव उनाडकट, कामिंदू मेंडिस, झीशान अन्सारी, गेराल्ड कोएत्झी, दिलशान मदुशंका, क्रेन्स फुलेत्रा, ओंकार तरमले, आरएस अंबरीश आणि अमित कुमार.

रॉयल चॅलेंजर्स बंगळुरू टीम : जेकब बेथेल, विराट कोहली, देवदत्त पडीक्कल, व्यंकटेश अय्यर, रजत पाटीदार (कर्णधार), जितेश शर्मा (विकेटकीपर), टीम डेव्हिड, रोमॅरियो शेफर्ड, कृणाल पंड्या, भुवनेश्वर कुमार, जोश हेजलवूड, सुयश शर्मा, रसिक सलाम दार, जॉर्डन कॉक्स, अभिनंदन सिंग, स्वप्नील सिंग, कनिष्क चौहान, फिलिप सॉल्ट, विकी ओस्तवाल, विहान मल्होत्रा, मंगेश यादव, सात्विक देसवाल, रिचर्ड ग्लीसन आणि जेकब डफी.

सनरायझर्स हैदराबादला साखळी फेरीनंतर टॉप 2 मध्ये कायम राहायचं असेल तर आरसीबी विरूद्धच्या सामन्यात कोणत्याही स्थितीत जिंकावं लागणार आहे. तसेच हैदराबादने हा सामना आवश्यक फरकाने जिंकल्यास ते टॉप 2 मध्ये पोहचतील. तसेच हैदराबादला अंतिम फेरीत पोहचण्याची अतिरिक्त संधीही मिळेल. त्यामुळे राजीव गांधी स्टेडियममध्ये होणाऱ्या या सामन्याकडे ताज्या आकडेवारीनुसार दुसऱ्या स्थानी असलेल्या गुजरात टायटन्सचं लक्ष असणार आहे. तसेच आरसीबी पहिल्या आणि हैदराबाद तिसऱ्या स्थानी आहे.