Chris Gayle | युनिव्हर्सल बॉस’ ख्रिस गेल रुग्णालयात, बेडवरुन चाहत्यांना खास संदेश

दुबई : किंग्जस इलेव्हन पंजाबला (Kings Eleven Punjab) आयपीएलच्या 13 व्या (IPL 2020) मोसमात चमकदार कामगिरी करता आलेली नाही. पंजाबने यंदाच्या मोसमात आतापर्यंत 7 सामने खेळले आहेत. यापैकी फक्त एकाच सामन्यात पंजाबला विजय मिळवता आला आहे. तर उर्वरित 6 सामन्यात पंजाबचा पराभव झाला आहे. एकाबाजूला हारकिरी सुरु असताना पंजाबला मोठा धक्का लागला आहे. पंजाबचा स्टार फलंदाज ख्रिस गेल (Chris Gayle) रुग्णालयात दाखल झाला आहे. ख्रिस गेलने स्वत: याबाबतची माहिती दिली आहे. त्यामुळे पंजाबसाठी हा मोठा धक्का समजला जात आहे. (Universal Boss Chris Gayle Hospitalized)

See more

गेलने स्वत:चा हॉस्पीटलमधील फोटो इंस्टाग्रामवर शेअर केला आहे. या फोटोमध्ये गेल आडवा पडला आहे. या फोटोत गेलच्या दोन्ही डोळ्यांवर काकडीचे गोल आकाराचे तुकडे ठेवले आहेत. तर एका हातात ग्लास धरलेला पाहायला मिळत आहे. गेलने या इंस्टाग्राम पोस्टमधून आपल्या चाहत्यांना संदेश दिला आहे.

काय म्हणाला गेल ?

“मी कधीच माघार घेणार नाही. मी यूनिव्हर्सल बॉस आहे. आणि हे सत्य बदलणार नाही. मी ज्या गोष्टी करतो, त्या सर्वच गोष्टींचं अनुकरण करु नका. पण एक सांगेन, माझी स्टाईल विसरु नका”, असं गेलने या पोस्टमध्ये म्हटलं आहे.

दरम्यान काही दिवसांपूर्वीच गेलची प्रकृती स्थिर नसल्याची माहिती पंजाबचा प्रशिक्षक अनिल कुंबळेने दिली होती. गेलला अन्नातून विषबाधा झाली. या विषबाधेमुळे गेलची तब्येत ठीक नाही, अशी माहिती कुंबळेने दिली होती.

गेलची आयपीएल कारकिर्द

ख्रिस गेल हा आयपीएलमधील यशस्वी खेळाडू राहिला आहे. गेलने आतापर्यंत आयपीएलमध्ये 125 सामने खेळले आहेत. यात गेलने 151 च्या स्ट्राईक रेटने 4 हजार 484 धावा केल्या आहेत. यामध्ये गेलने 6 शतकं तर 28 अर्धशतकं लगावली आहेत. गेलची नाबाद 175 ही सर्वोच्च धावसंख्या आहे. तसेच गेलने गोलंदाजी करताना 18 विकेट्स घेतल्या आहेत. गेल त्याच्या आक्रमक फलंदाजीसाठी ओळखला जातो. गेलला युनिव्हर्स बॉस म्हटलं जातं.

संबंधित बातम्या :

Chris Gayle | रुग्णालयातही ख्रिस गेलचा स्वॅग… हटके अंदाजात फोटो शेअर

….म्हणून युनिव्हर्स बॉस ख्रिस गेल अजून मैदानात उतरला नाही, कोच अनिल कुबंळेचा खुलासा

(Universal Boss Chris Gayle Hospitalized)