Smriti Mandhana: मैदानात पिरियड आले, अंगावर पांढरा ड्रेस, स्मृती मानधनाने सांगितला तो अनुभव, अम्पायरने थेट…काय घडलं होतं?

पूर्वीच्या काळी महिलांना मासिक पाळीच्या वेळी प्रचंड त्रास सहन करायला लागायचा. त्यांना एका कोपऱ्यात ४ दिवस बसवले जायचे. त्यांना खाण्यासाठी आणि पिण्यासाठी वेगळ्या गोष्टी दिल्या जायच्या. तसेच झोपण्यासाठी त्यांना वेगळे अंथरुण दिले जायचे. मात्र आता काळ पूर्णपणे बदलला आहे. मासिक पाळीच्या काळात माहिला नेहमी जी सर्व कामे करते ती सर्व कामे ती करत असते. असाच मासिक पाळीच एक अनुभव भारतीय महिला क्रिकेटपटू स्मृती मानधनाने सांगितला आहे.

नेमकं काय घडलं?

सध्या सोशल मीडियावर स्मृती मानधनाचा एक व्हिडीओ व्हायरल झाला आहे. या व्हिडीओमध्ये तिने टेस्ट मॅच सुरू असताना असलेल्या मासिक पाळीचा अनुभव सांगितला आहे. क्रिकेटचा सामना सुरु असताना अचानक पोटात दुखू लागलं आणि मासिक पाळी आली. त्यात तिचा ड्रेस पांढरा असल्यामुळे तिला अम्पायरला ब्रेक देण्यासाठी विनंती केली होती. कारण तिच्याकडे दुसरा काही पर्यायच नव्हता. स्मृतीच्या बाबतीत अम्पायरने स्वतःचा निर्णय घेतला पण तरी अशी परिस्थिती इतर महिला क्रिकेटरसाठी क्रिकेटचे नियम काय आहेत? असा प्रश्न आता उपस्थित झाला आहे.

क्रिकेटचे नियम काय सांगतात?

क्रिकेटचे नियम MCC द्वारे राखले जातात आणि ICC च्या प्लेइंग कंडिशन्सद्वारे आंतरराष्ट्रीय स्तरावर लागू केले जातात.

-एखादा क्रिकेटचा खेळाडू ८ मिनिटांपेक्षा जास्त वेळ मैदानाबाहेर राहिल्यास पूर्ण अनुपस्थिती कालावधीसाठी गोलंदाजी दंड लागू होतो. बॉलरसाठी तो जितका वेळ बाहेर तितका वेळ त्याला बॉलिंग करता येत नाही. म्हणजे तो 30 मिनिटं बाहेर गेला तर 30 मिनिटं बॉलिंग नाही.

-बॅटर स्वेच्छेने क्रीज सोडल्यास तो “रिटायर्ड आउट” मानला जातो आणि फक्त विरोधी कर्णधाराच्या संमतीने परत येऊ शकतो.

-जर एखादा खेळाडू जखमी झाला, आजारी पडला किंवा इतर पूर्णपणे स्वीकारार्ह कारणाने मैदान सोडू शकतो.

मासिक पाळीला “आजार” मानायचे का, याबाबत नियमांमध्ये अस्पष्टता आहे. सध्या क्रिकेटमध्ये फक्त कॉन्कशन सबस्टिट्यूट (२०१९ पासून) उपलब्ध आहे. 2019 पासून लागू करण्यात आलेल्या नियमानुसार आता डोक्याला किंवा मेंदूला गंभीर दुखापत झाली तरच पूर्ण खेळाडू बदलता येतो.