Vaibhav Sooryavanshi: मैदान गाजवण्यासाठी वैभव पुन्हा एकदा सज्ज, झिम्बाब्वेनंतर आता ऑस्ट्रेलियाला लोळवणार

क्रिकेट ऑस्ट्रेलियाने भारताच्या आगामी दौऱ्यासाठी आपल्या 16 सदस्यीय 19 वर्षांखालील पुरुष संघाची घोषणा केली आहे. पुढील महिन्यात, भारत आणि ऑस्ट्रेलियाचे ज्युनियर संघ तीन एकदिवसीय आणि दोन चार दिवसीय (कसोटी) सामन्यांची एक रोमांचक मालिका खेळतील. 19 वर्षांखालील विश्वचषकानंतर, ऑस्ट्रेलियाने आपल्या संघात महत्त्वपूर्ण बदल केले असून, त्यात 14 नवीन खेळाडूंचा समावेश आहे.  विश्वचषकात खेळलेले अनुभवी वेगवान गोलंदाज विल बायरोम आणि केसी बार्टन यांना संघात कायम ठेवण्यात आले आहे. याव्यतिरिक्त, भारतीय वंशाचा खेळाडू नील पटेल याचाही संघात समावेश करण्यात आला आहे. या मालिकेतील सर्वात मोठे आणि रोमांचक आकर्षण म्हणजे 15 वर्षीय भारतीय खेळाडू वैभव सूर्यवंशीची कामगिरी असेल. अगदी लहान वयात आपल्या आक्रमक फलंदाजीने खळबळ माजवणाऱ्या वैभवला या मालिकेत भारताकडून खेळण्याची संधी मिळू शकते. अलीकडेच, वैभव सूर्यवंशीने भारतीय वरिष्ठ संघासोबत झिम्बाब्वेचा दौरा केला होता, जिथे त्याला मालिकावीर म्हणून गौरविण्यात आले होते. 19 वर्षांखालील मालिकेसाठी भारतीय संघ अद्याप जाहीर व्हायचा आहे.

भारतीय भूमीवरील परिस्थिती कांगारू गोलंदाजांसाठी एक मोठे आव्हान तर असेलच, पण त्याचबरोबर वैभव सूर्यवंशीची आक्रमक फलंदाजीदेखील एक मोठे आव्हान असेल. ही मालिका रोमांचकारी असणार आहे. वैभव सूर्यवंशीचा धमाका चाहत्यांसाठी काही नवीन नाही, पण आता त्याला वरिष्ठ संघात स्थान मिळाले असल्याने तो आता पुन्हा अंडर 19 मध्ये खेळेल की नाही यात थोडी शंका आहे. आता यासाठी सर्वांचे लक्ष हे भारतीय संघ कधी जाहीर होतो याकडे असणार आहे.

केसी बार्टन, हेडन बार्बुलोविक, अॅली ब्रेन, विल बायरोम, ब्लेक केटल, जॅक चॉइनेक, स्पेन्सर ग्रीन, कॉनर ग्रेगरी, चार्ली हेंडरसन, जेड हॉलिक, मॅथ्यू लॉ, नील पटेल, जेकब पीट्झ, पॅट्रिक सुलिव्हन, थिओ त्सिंगोस, थॉमस व्हॅसिओ

संपूर्ण मालिकेचे वेळापत्रक
18 सप्टेंबर: पहिला एकदिवसीय सामना (निरंजन शाह स्टेडियम, राजकोट)
21 सप्टेंबर: दुसरा एकदिवसीय सामना (निरंजन शाह स्टेडियम, राजकोट)
23 सप्टेंबर: तिसरा एकदिवसीय सामना (निरंजन शाह स्टेडियम, राजकोट)
27 – 30 सप्टेंबर: पहिली 4-दिवसीय कसोटी (निरंजन शाह स्टेडियम, राजकोट)
5-8ऑक्टोबर: दुसरी 4-दिवसीय कसोटी (नरेंद्र मोदी स्टेडियम ‘बी’ मैदान, अहमदाबाद)