व्हॉट्सअपचं सर्वात मोठं फीचर बंद होण्याच्या मार्गावर

अमेरिकी मॅगजीन Politico च्या रिपोर्ट नुसार, अमेरिकेतील ट्रम्प सरकार इंड टू इंड एन्क्रिप्शन सिस्टम बॅन करण्याचा विचार करत आहे. जगात सर्वाधिक वापरला जाणारा इन्स्टंट मेसेजिंग अॅप Whatsapp हा एन्क्रिप्शन या सिस्टममुळे ओळखला जातो.

व्हॉट्सअपचं सर्वात मोठं फीचर बंद होण्याच्या मार्गावर

मुंबई : अमेरिकी मॅगजीन Politico च्या रिपोर्ट नुसार, अमेरिकेतील ट्रम्प सरकार एंड टू एंड एन्क्रिप्शन सिस्टम बॅन करण्याचा विचार करत आहे. जगात सर्वाधिक वापरला जाणारा इन्स्टंट मेसेजिंग अॅप Whatsapp हा एन्क्रिप्शन या सिस्टममुळे ओळखला जातो. याशिवाय अॅपलचे मेसेज आणि फेस टाईमही एंड टू एंड एन्क्रिप्शनवर आधारीत आहे. पण ट्रम्प सरकार ही सिस्टम हटवणार असल्याची शक्यता वर्तवली जात आहे.

एंड टू एंड एन्क्रिप्शन सिस्टम जर Whatsapp  मधून हटवली, तर याचा मोठा फटका Whatsapp , आयफोन सारख्या मोठ्या कंपन्यांना बसणार आहे. एंड टू एंड एन्क्रिप्शनमुळे प्रत्येक यूजर्सला प्रायव्हसी मिळते. पण आता हीच सिस्टम बंद होणार असेल, तर यूजर्सही प्रायव्हेसी नसलेले अॅप अनइन्स्टॉल करतील.

एंड टू एंड एन्क्रिप्शन म्हणजे काय?

एंड टू एंड एन्क्रिप्शन ही एक सिस्टम आहे. जर आपण व्हॉट्सअॅपवर चाटिंग केली, तर ते मेसेज फक्त सेंडर आणि रिसिव्हर वाचू शकतात. एन्क्रिप्शन सिस्टमुळे कोणतीही कंपनी किंवा इतर कोणत्याही देशातील कायदा आपले मेसेज वाचू शकत नाही. प्रायव्हसीसाठी या अॅपला जगभरात पसंती दिली जात आहे. पण काही देशात या अॅपवर बंदी घातली आहे. पण जर एन्क्रिप्शन सिस्टम बंद केली, तर यूजर्सच्या प्रायव्हसीला धोका निर्माण होऊ शकतो.

Politico च्या एका रिपोर्टमध्ये म्हटलं आहे की, ट्रम्प प्रशासन नुकतेच या एन्क्रिप्शन सिस्टमवर चर्चा करत होते. तसेच नॅशनल सिक्युरिटी काऊन्सलिंगच्या मीटिंगमध्येही एंड टू एंड एन्क्रिप्शनवर चर्चा करण्यात आली होती.

दरम्यान, यावर अजून कोणता निर्णय घेण्यात आला नाही. सध्या एंड टू एंड एन्क्रिप्शनवर चर्चा सुरु आहे, ही सिस्टम बॅन करायची की यामध्ये बदल करायचा यावर चर्चा सुरु आहे. अमेरिकेचे राष्ट्राध्यक्ष होण्यापूर्वी ट्रम्प यांनी अॅपलवरही टीका केली होती.

जर एंड टू एंड एन्क्रिप्शन सिस्टम हटवण्यात आली, तर याचा फरक भारतातही पडू शकतो. व्हॉट्सअॅपचे सर्वाधिक यूजर्स भारतात आहेत आणि  व्हॉट्सअॅपही एंड टू एंड एन्क्रिप्शनचा वापर करते. व्हॉट्सअॅपमधून जर एंड टू एंड एनक्रिप्शन हटवण्यात आले, तर व्हॉट्सअॅपची ओळख संपून जाईल.

आता यावर ट्रम्प सरकार काय निर्णय घेणार याकडे सर्वांचे लक्ष लागले आहे आणि टेक कंपनीही यावर काय प्रतिक्रिया देणार हे पाहणे महत्त्वाचे ठरणार आहे.

कमेंट करा

कमेंट करा

Your email address will not be published. Required fields are marked *