वारंवार वायफाय डिस्कनेक्ट होत असेल तर या ट्रिक्स वापरा…
वारंवार वाय-फाय कनेक्शन डिस्कनेक्ट होत असेल तर हा एक मोठा त्रास आहे. कारण यामुळे कामात व्यत्यय येतो. तरी समस्या दूर करायची असेल तर या काही सोप्या ट्रिक्सचा अवलंब करा.
आजच्या या डिजिटल युगात वायफाय कनेक्शन प्रत्येकाच्या घरी आहे. तसेच घरून वर्क फॉम होम करत असल्यास अनेकांची वायफाय ही पहिली गरज बनली आहे. त्यातच आपल्यापैकी अनेकजण हे स्ट्रीमिंग करत असतील गेमिंग करत असतील किंवा ऑनलाइन ऑफिस मीटिंग असेल आणि वाय-फाय कनेक्शन अचानक डिस्कनेक्ट झालं तर आपली सगळी कामं बिघडतात. याचा परिणाम तुमच्या कामावर तर होतोच पण या समस्येमुळे बराचसा वेळही वाया जातो. जर ही समस्या रोजचीच झाली तर तुम्हाला गेमिंग, चित्रपट किंवा वेब सिरीज पाहण्याची इच्छा होत नाही तसेच कामातही नीट लक्ष लागत नाही. पण वायफाय वारंवार डिस्कनेक्ट होत असेल तर यामागील कारणे काय असू शकतात? तसेच ही समस्या दूर कशी करू शकतो हे आजच्या लेखात आपण जाणून घेऊयात.
अधिक डिव्हाइस कनेक्ट असल्याने वायफायमध्ये समस्या निर्माण होत असेल
जर तुमचे कनेक्शन वारंवार बंद पडत असेल, तर त्याचे एक कारण तुमच्या वाय-फायशी कनेक्ट असलेले खूप जास्त डिव्हाइस असू शकतात. कनेक्ट केलेले डिव्हाइस कोणताही डेटा वापरत नसले तरीही ते बँडविड्थ वापरतात. त्यापैकी मोठ्या संख्येने तुमचे कनेक्शन बंद होऊ शकते. हे सोडवण्यासाठी अनावश्यक डिव्हाइस डिस्कनेक्ट करा.
राऊटरची जागा
मजबूत वायफाय कनेक्शनसाठी राउटरची जागा महत्त्वाचे आहे. जर तुमचे डिव्हाइस राउटरपासून खूप दूर असेल तर कनेक्शन तुटू शकते. त्याचप्रमाणे, जर राउटर इलेक्ट्रॉनिक डिव्हाइसच्या मागे ठेवले असेल तर त्याचे कनेक्शन देखील कमकुवत असू शकते. हे टाळण्यासाठी, राउटर अशा ठिकाणी ठेवा जिथे कनेक्शन कोणत्याही मोठ्या अडथळ्याशिवाय डिव्हाइसपर्यंत पोहोचू शकेल.
जुना राऊटर
कनेक्टेड डिव्हाइसेस मर्यादित केल्यानंतर आणि राउटरचे स्थान बदलल्यानंतरही कनेक्शन ड्रॉप होत राहिल्यास तुम्हाला तुमचा राउटर बदलावा लागू शकतो. बरेच जुने राउटर नवीन सेवांशी सुसंगत नाहीत. म्हणून, रीसेट केल्यानंतर, ते काही काळ काम करू शकतात, परंतु नंतर समस्या पुन्हा दिसून येतात. जर तुमच्यासोबत असे होत असेल, तर नवीन राउटर घेणे हा सर्वोत्तम पर्याय आहे.
