Jio Recharge : जिओच्या ग्राहकांची चिंताच मिटली! दररोज 3GB डेटा, Netflix अन् हॉटस्टार फ्री
Jio Recharge News : वारंवार मोबाईल रिचार्ज करण्याच्या त्रासाला तुम्ही कंटाळला असाल आणि तुम्हाला वेगवान इंटरनेटसोबतच शानदार OTT प्लॅटफॉर्मचा आनंद घ्यायचा असेल, तर जिओने एक खास प्लॅन आणला आहे.
जिओच्या ग्राहकांसाठी महत्त्वाची बातमी आहे. वारंवार मोबाईल रिचार्ज करण्याच्या त्रासाला तुम्ही कंटाळला असाल आणि तुम्हाला वेगवान इंटरनेटसोबतच शानदार OTT प्लॅटफॉर्मचा आनंद घ्यायचा असेल, तर जिओने एक खास प्लॅन आणला आहे. टेलिकॉम बाजारात लोकप्रिय असलेला जिओचा 1,799 रुपयांचा प्रीपेड प्लॅन संपूर्ण एंटरटेनमेंट आणि टेक पॅकेज म्हणून ओळखले जाते. या पॅकबाबत सविस्तर माहिती जाणून घेऊयात.
84 दिवस अनलिमिटेड कॉलिंग आणि भरपूर डेटा
जिओच्या 1,799 रुपयांच्या प्रीपेड प्लॅनमध्ये ग्राहकांना तब्बल 84 दिवसांची वैधता मिळते. या कालावधीत दररोज 3GB हाय-स्पीड इंटरनेट डेटा दिला जातो. म्हणजेच 84 दिवसांत एकूण 252GB डेटा मिळतो. एखाद्या दिवशी तुमचा डेली डेटा कोटा संपला तरी इंटरनेट सेवा पूर्णपणे बंद होणार नाही, तर 64 Kbps वेगाने सुरू राहील. विशेष म्हणजे, 5G नेटवर्क उपलब्ध असलेल्या भागात पात्र ग्राहकांना अनलिमिटेड 5G डेटाचाही लाभ मिळतो. याशिवाय देशभरातील कोणत्याही नेटवर्कवर अनलिमिटेड व्हॉइस कॉलिंग आणि दररोज 100 SMS पाठवण्याची सुविधा मोफत मिळते.
Netflix आणि JioHotstar मोफत
या प्लॅनचे सर्वात मोठे वैशिष्ट्य म्हणजे त्यामध्ये मिळणारे मनोरंजनाचे फायदे. हा रिचार्ज केल्यानंतर ग्राहकांना 84 दिवसांसाठी Netflix बेसिकचे मोफत सब्सक्रिप्शन मिळते. यासोबतच हॉलीवूड चित्रपट आणि वेब सीरिज पाहणाऱ्या ग्राहकांसाठी रिओ हॉटस्टार मोबाईल + Hollywood चे सब्सक्रिप्शनही दिले जाते. लाइव्ह टीव्ही पाहण्याची आवड असलेल्या ग्राहकांना JioTV चा आनंदही कोणत्याही अतिरिक्त शुल्काशिवाय घेता येतो.
35 हजार रुपयांपेक्षा जास्त किमतीचे गुगल जेमिनी सब्सक्रिप्शन
मनोरंजनासोबतच आधुनिक तंत्रज्ञानाच्या बाबतीतही हा प्लॅन आकर्षक आहे. या रिचार्जसोबत कंपनीकडून तब्बल 18 महिन्यांचा गुगल जेमिनी प्रो प्लान मोफत दिला जात आहे. या प्रीमियम AI टूलची बाजारातील किंमत सुमारे 35,100 रुपये असल्याचे सांगितले जाते. यामध्ये ग्राहकांना तब्बल 5,000GB क्लाउड स्टोरेज आणि नॅनो बनाना सारख्या फीचर्सचा लाभ मिळतो. तसेच महत्त्वाच्या फाइल्स आणि फोटो सुरक्षित ठेवण्यासाठी JioAICloud चे 50GB मोफत स्टोरेजही या पॅकेजमध्ये समाविष्ट आहे.
एकूणच, 84 दिवसांची दीर्घ वैधता, दररोज 3GB डेटा, अनलिमिटेड कॉलिंग, OTT सब्सक्रिप्शन आणि Google Gemini सारख्या AI सेवेचा लाभ एकाच प्लॅनमध्ये मिळत असल्याने 1,799 रुपयांचा हा जिओ रिचार्ज प्लॅन ग्राहकांसाठी आकर्षक पर्याय ठरू शकतो.
