VIVO Y3 लाँच, ट्रिपल कॅमेरा, 5000mAh बॅटरी, पाहा किंमत…

मुंबई : विवोने नवीन स्मार्टफोन VIVO Y3  लाँच केला आहे. Y सीरिजच्या नव्या फोनमध्ये ट्रिपल रिअर कॅमेरा ग्रेडिअंट डिझाईन दिली आहे. पीकॉक ब्लू आणि पीच पिंक रंगात हा फोन उपलब्ध आहे. या नव्या फोनची किंमत 1498 युआन ( अंदाजे 15 हजार 200 रुपये) आहे. सध्या हा फोन चीनमध्ये लाँच केला आहे. भारतीय बाजारात लवकरच या फोनची विक्री केली जाईल.

vivo Y3  स्पेसिफिकेशन्स

विवो Y3 मध्ये 6.35 इंचाचा फुल एचडी प्लस डिस्प्ले दिला आहे. वॉटरड्रॉप नॉचसोबत हा डिस्प्ले आहे. डिस्प्लेचा रेशिओ 19.3:9 आणि स्क्रीन-टु-बॉडी रेशिओ 89 टक्के आहे. फोनमध्ये ऑक्टा-कोर मीडियाटेक P35 प्रोसेसरसह 4 जीबी रॅम आणि 128 जीबी इंटरनल स्टोअरेज दिला आहे. ज्याला मायक्रोएसडी कार्डच्या मदतीने 256 जीबीपर्यंत वाढवता येते.

vivo Y3  मध्ये 13 मेगापिक्सलचा प्रायमरी कॅमेरा दिला आहे. दुसरा 120 डिग्री फिल्ड ऑफ डेप्थचा 8 मेगापिक्सलचा अल्ट्रा व्हाईड लेन्स आणि तिसरा 2 मेगापिक्सलचा डेप्थ सेंसर आहे. सेल्फीसाठी 16 मेगापिक्सलचा कॅमेरा दिला आहे.

फेस अनलॉक फीचरही या फोनमध्ये दिला आहे. यामध्ये 5000mAh बॅटरी दिली आहे. कनेक्टिव्हिटीसाठी फओनमध्ये 4G VoLTE, वाय-फाय, ब्लूटूथ, यूएसबी ओटीजी, मायक्रो-यूएसबी पोर्ट आणि 3.5mm हेडफोन जॅक दिला आहे.