हिरव्यागर्द झाडीतून नागमोडी वळणं घेताना दिसली वंदेभारत एक्स्प्रेस, मनमोहक बर्ड आय व्यूह व्हिडीओ व्हायरल
वंदेभारत एक्सप्रेसचा एक व्हिडीओ सोशल मीडियावर चांगलाच व्हायरल होत आहे.या व्हिडीओत भगव्या रंगाची वंदेभारत हिरव्या दाट जंगलातून वळणे घेत जात असल्याचे दिसत आहे.
Vande Bharat Express drone video: सोशल मीडियावर अनेक व्हिडीओ व्हायरल होत असतात. काही व्हिडीओ लोकांचे लक्ष वेधून घेत असतात. असाच एक वंदेभारत एक्सप्रेसचा व्हिडीओ चर्चेत होता. हृदयाला स्पर्श करणारा हा व्हिडीओ वंदेभारत स्लीपरचा असल्याचे म्हटले जात आहे. हिरव्या गर्द झाडीतून नागमोडी वळणे घेताना भगव्या रंगाची वंदेभारत इतकी सुंदर दिसत आहे की सर्वजण या व्हिडीओचे कौतूक करत आहेत. हा व्हिडीओ कर्नाटकातील सह्याद्रीच्या जंगलातील असल्याचे म्हटले जात आहे. हा व्हिडीओ ड्रोनने शुट केला असून या व्हिडीओला केंद्र सरकारने देखील शेअर केले आहे.
पोस्ट येथे पाहा –
प्रकृति के बीच प्रगति…
‘वंदे भारत ट्रेन’ का ड्रोन वीडियो… घने जंगलों और ऊंचे पहाड़ों के बीच से गुजरती इस प्रीमियम ट्रेन को देखिए.#Vandebharatexpress#Train pic.twitter.com/idZm0vlPQU— SansadTV (@sansad_tv) August 23, 2026
वंदेभारतचा केशरी रंग आणि राखाडी रंग आणि चार बाजूंनी पसरलेले घनदाट हिरवे जंगल यातून नागमोडी वळणं घेताना ही वंदेभारत एक्सप्रेस जाताना दिसत आहे. या वंदेभारताच्या दोन्ही बाजूंनी कर्नाटकातील सह्याद्रीच्या जंगलाच्या दाट हिरव्या रांगा आणि त्यातून वाट काढत दिमाखात निघालेली वंदेभारत दिसत आहे. या वंदेभारत एक्सप्रेसला ड्रोनने आकाशातून शुट केलेले आहे.
चार हजाराहून अधिक लोकांनी पाहिले
सोशल मीडिया प्लॅटफॉर्म ट्विटर आताचे X वर या व्हिडीओला ‘@sansad_tv’नावाच्या अकाऊंटवरुन शेअर केले आहे. या व्हिडीओला शेअर करताना त्याला कॅप्शन देताना ‘निसर्गाच्या मध्ये प्रगती, वंदेभारत ट्रेनचा ड्रोन व्हिडीओ’ असे म्हटले आहे. घनदाट जंगलातून आणि सह्याद्रीच्या रांगातून चाललेली ही केशरी रंगाची प्रीमियम वंदेभारत ट्रेन पाहा. केवळ १८ सेकंदाच्या या व्हिडीओला चार हजाराहून अधिक लोकांनी पाहिले आहे.
