Antarctica Ice Ganpati : चक्क बर्फापासून बनवला गणपती! अंटार्क्टिकातील भारतीय वैज्ञानिकांचा अनोखा गणेशोत्सव
भारतापासून सुमारे १५ हजार किलोमीटर दूर असलेल्या अंटार्क्टिकातील मैत्री संशोधन केंद्रावर भारतीय वैज्ञानिकांनी बर्फापासून गणेशमूर्ती तयार करून गणेशोत्सव साजरा केला. पूजा, आरती आणि मोदकांच्या नैवेद्यासोबत या उत्सवाचा VIDEO सोशल मीडियावर चर्चेत आला आहे.
गणपती बाप्पा मोरया… ही हाक भारतापासून तब्बल १५ हजार किमी दूर अंटार्टिका मध्येही घुमली. घरापासून हजारो किलोमीटर दूर असलेल्या भारतीय वैज्ञानिकांनी बर्फापासून चक्क बाप्पाची मूर्ती साकारली आहे. बर्फाच्या या अनोख्या बाप्पाचं विसर्जनही करण्यात आलं. सोशल मीडियावर या खास क्षणाचा व्हिडिओ व्हायरल होत असून एवढ्या दूर असूनही भारतीयांची बाप्पाावरील श्रद्धा आणि आपल्या संस्कृतीशी असलेलं नातं पाहून अनेकांचं लक्ष वेधलं आहे.
अंटार्क्टिकामध्ये बर्फाचं साम्राज्य… आजूबाजूला नजर जाईल तिथपर्यंत फक्त पांढराशुभ्र बर्फ आणि भारतापासून हजारो किलोमीटर अंतर. याच अंटार्क्टिकाच्या धर्तीवर मैत्री संशोधन केंद्राच्या भारतीय वैज्ञानिकांनी बर्फाच्या गणेशमूर्तिची स्थापना करून गणेशोत्सव साजरा केला आहे.
इतर काही सोईसुविधा नसल्याने जवळ असलेल्या भरपूर बर्फाचा फायदा घेत वैज्ञानिकांनी त्यापासून गणेशमूर्ती साकारली. या मूर्तीसमोर वैज्ञानिकांनी गणेशोत्सवाचे विधी देखील केले. या अनोख्या उत्सवामुळे बर्फाळ वातावरणातही भारतीय सणाचा उत्साह पाहायला मिळाला.
***अंटार्कटिका में बर्फ के बप्पा***
15,000 किमी दूर… न पंडाल था, न नदी, न लालबाग। फिर भी भगवान श्री गणेश का विसर्जन हुआ।
आखिर क्या है यह कहानी ?
Check First Comment. pic.twitter.com/jxwN2r20cO
— Mr. & Mrs. Riya (@RamdevRiya) September 25, 2026
पू़जा, मोदक आणि बाप्पाचा जयघोष
गणपतीची मूर्ती सााकरल्यानंतर वैज्ञानिकांनी बाप्पाची पूजा केली . यावेळी मोदकांचाही नैवेद्य बाप्पााला अर्पण करण्यात आला. गणपती बाप्पा मोरयाच्या जयघोषात गणेशोत्सव साजरा करण्यात आला.
बाप्पााला अनोख्या पद्धतीने निरोप
गणेशोत्सवाच्या शेवटी बर्फापासून तयार केलेल्या बाप्पाचं विसर्जनही करण्यात आलं. अंटार्क्टिकाच्या बर्फाळ वातावरणात झालेलं हे अनोख विसर्जन सोशल मीडियावर चर्चेचा विषय ठरलं आहे. या व्हिडिओमध्ये भारतीय वैज्ञानिकांचा उत्साह आणि बाप्पााविषयीची श्रद्धा पाहायला मिळत आहे.
