Viral Video : ब्लिंकिट डिलिव्हरी बॉयला मिळालं असं सरप्राईझ जे पाहून तरूण झाला भावूक, व्हिडीओने जिंकली नेटकऱ्यांची मनं

ऊन असो वारा असो किंवा पाऊस कोणत्याही परिस्थितीत दिवसभर उन्हातान्हात फिरायचं. ग्राहकांच्या घरी वेळेत सामान पोहोचवायचं. डिलिव्हरी बॉयचं काम वरवर पाहता सोपं वाटतं, पण त्यामागची मेहनत ही त्यांनाच माहित असते. अशा परिस्थितीत एखाद्या डिलिव्हरी बॉयच्या कामाची एखाद्याने दखल घेतली आणि त्याला एक सरप्राईज दिलं तर? त्याचा आनंद गगनात मावणार नाही, नक्कीच.

आता सोशल मीडियावर ब्लिंकिटच्या एका डिलिव्हरी बॉयचा व्हिडिओ व्हायरल होत आहे. तो व्हिडिओ पाहून त्या डिलिव्हरी बॉयलाच नव्हे तर नेटकऱ्यांनाही अश्रू अनावर झालेत.

सोशल मीडियावर या व्हायरल झालेल्या व्हिडिओमध्ये हुसैन मन्सुरी नावाचे सामाजिक कार्यकर्ते दिसत आहेत.त्या ब्लिंकिटच्या डिलिव्हरी बॉय सुजितला जाताना थांबवतात आणि त्याला विचारातात कि ‘डिलिव्हरीसाठी सायकल का वापरतोस ? बाईक किंवा स्कूटी का घेत नाहीस? त्यावर सुजित आपली आर्थित परिस्थिती सांगतो. कमी कमाई आणि वाढलेल्या खर्चामुळे वाहन खरेदी करणं शक्य नसल्याचं तो म्हणतो.

सुजित ऑर्डर देऊन आल्यावर त्याच्या डोळ्यांवर पट्टी बांधली जाते. त्याला एका ठिकाणी नेलं जातं. पट्टी काढताच त्याच्यासमोर लाल रंगांची नवीन स्कूटी उभी असते. ही स्कूटी अनंत अंबानी कडून भेट असल्याचं मन्सुरी सांगतात. अचानक मिळालेले हे गिफ्ट पाहून सुजीत खूप भावूक होतो. त्याच्या डोळ्यातून आनंदाश्रू वाहू लागतात. आनंदाच्या भरात तो मन्सुरींना मिठी मारतो.

Anant Ambani’s gift to this Blinkit delivery boy will genuinely leave you speechless. ❤️

While the delivery boy was working hard on his bicycle to earn a living, Anant Ambani, through Hussain Mansuri Ji, did something that may have turned his entire year around.

Because having money is one thing, but having a big heart is something else entirely. Not everyone who is rich knows how to make someone else feel rich in happiness.

— Pinki (@PinkiPragya) October 24, 2026

या घटनेचा व्हिडिओ सोशल मीडियावर प्रचंड व्हायरल झाला आहे. अनेकांनी या मदतीचं कौतुक केलं आहे. अनंत अंबानी यांच्या फाउंडेशनशी संबंधित उपक्रमातून ही मदत करण्यात आली असल्याचे सामाजिक कार्यकर्ता हुसेन मन्सुरी सांगतात.

हुसेन मन्सुरी हे सामाजिक कार्यकर्ता आहेत. ते अशा बऱ्याच गरजूंना मदत करत असतात. त्याचे व्हिडिओ ते सोशल मीडियावर शेअर करत असतात. त्यामुळे नेटकऱ्यांना त्यांचे कायमच कौतुक आहे. पण यात भर पडली ती अनंत अंबानीची, जेव्हा कळले ही मदत अनंत अंबानी फाउंडेशनशी संबंधित उपक्रमातून आहे, तेव्हा नेटकऱ्यांनी अनंत अंबानीलाही अनेक शुभाशिर्वाद दिले आहेत.