Harsh Goenka On WFH: वर्क फ्रॉम होम विषयी महत्त्वाची पोस्ट! हर्ष गोएंका यांचं मत ऐकून थक्क व्हाल…
आयुष्य पूर्ववत होत चाललंय. असं असून सुद्धा बऱ्याच अशा कंपनी आहेत ज्या कर्मचाऱ्यांना वर्क फ्रॉम होमच करायला सांगतायत.

उद्योगपती हर्ष गोयंका सोशल मीडियावरील आपल्या प्रेरणादायी पोस्टसाठी ओळखले जातात. हर्ष गोएंका यांनी आपल्या नुकत्याच केलेल्या पोस्टमध्ये ऑफिसमधून काम करण्याचे फायदे सांगितलेत. कोरोनामुळे सर्व ऑफिसला वर्क फ्रॉम होम सारखी पावलं उचलावी लागली. साथीचा रोग असल्यामुळे कर्मचाऱ्यांना घरून काम करण्यास भाग पाडले गेले. आता ऑफिस पुन्हा सुरू होत आहेत. आयुष्य पूर्ववत होत चाललंय. असं असून सुद्धा बऱ्याच अशा कंपनी आहेत ज्या कर्मचाऱ्यांना वर्क फ्रॉम होमच करायला सांगतायत. अनेक कारणं आहेत याची ज्यामुळे कर्मचाऱ्यांना अशा सूचना दिल्या जात आहेत. पण हर्ष गोएंका यांनी मात्र एकच कारण दिलंय ज्यात वर्क फ्रॉम होम का नसावं आणि वर्क फ्रॉम ऑफिस का असावं याबद्दल सांगितलं गेलंय.
या संदर्भात हर्ष गोयंका यांनी ट्विट केलंय. ट्विटमध्ये हर्ष गोयंका यांनी टू-पाई चार्टचा वापर केलाय. एखादा कर्मचारी ऑफिसमध्ये आणि घरी दोन्ही ठिकाणी काम आणि इतर गोष्टींवर किती वेळ घालवतो? हे दाखविण्यात आलंय.
पहिल्या पाई चार्टमध्ये घरात असताना कर्मचारी काम काम आणि फक्त कामच करतोय असं दाखविण्यात आलंय. तर दुसऱ्या पाई चार्टमध्ये कर्मचारी कामाव्यतिरिक्त इतर अनेक गोष्टींमध्ये वेळ घालवताना दिसतो.
कर्मचारी ऑफिसमध्ये असला की ब्रेक घेणे, इतरांना त्यांच्या कामात मदत करणे आणि ऑफिसमध्ये कॉफी पिणे, ट्राफिकमध्ये बसणे असं सगळं करत असतो.
हर्ष गोयंका यांनी ही पोस्ट शेअर करत लिहिले की, ‘हे एक कारण आहे की, तुम्ही ऑफिसमधून काम करावे.”
या पोस्टला 3,000 हून अधिक लाईक्स आणि शेकडो शेअर्स मिळालेत. घर किंवा ऑफिसमधून काम करण्याच्या खऱ्या फायद्यांविषयी युजर्सनी कमेंट केल्या आहेत.