Viral Video : तरूणींनी दांडिया खेळला , फोटो काढले अन् ड्रेस केले रिटर्न, डिलिव्हरी वाल्याकंडे रिटर्न पार्सलचा जमला ढीग
नवारात्रीत तरूणीनी ऑनलाईन साईट्सवरून महागडे कपडे मागवले, त्यावर गरबा खेळला फोटो काढले आणि दुसऱ्या दिवशी तो ड्रेस रिटर्न पार्सल मध्ये रिटर्नही केला. या रिटर्न आलेल्या पार्सलचा डिलिव्हरी बॉईजकडे खच जमला आहे. त्याचा व्हिडिओ सध्या सोशल मीडियावर व्हायरल होत आहे.
नवरात्री आली की नवीन चनीयाचोळी, कुरते घ्यायचे, छान गुजरातीसारखं तयार व्हायचं आणि फोटो काढायचा हा तर ठरलेला कार्यक्रम…पण यंदाच्या गरब्यात तरूणींनी असं काही केलंय की डिलिव्हरी वाल्यांच्या डोक्याला ताप झालाय.
कारण तरूणांनी गरबा खेळण्यासाठी ऑनलाईन साईटवरून महागडे कपडे मागवले. गरबा खेळले. फोटोही काढले आणि दुसऱ्याच दिवशी त्या त्या डिलिव्हरी साईट्सवर ते कपडे रिटर्न केलेत. हे चूक आहे की बरोबर ते माहित नाही पण तरूणांनी महागडे कपडे खरेदी करण्यापासून किंवा कपड्याचे महागडे भाडे देण्यापासून वाचण्यासाठी तरूणांनी ही नामी शक्क्ल लढवली आहे. पण हीच शक्कल डिलिव्हरी बॉईजच्या डोक्याला ताप झाली आहे.
व्हायरल व्हिडिओमध्ये अनेक पार्सलचे ढिग दिसत आहेत. काही पार्सल बाईकवर ठेवलेले आहेत. तर काही जमिनीवर पडलेले दिसतात. हा व्हि़डिओ एका डिलिव्हरी एजंटने बनवल्याचं सांगितलं. तिथे इतर डिलिव्हरी बॉईज देखील परत आलेली पार्सल घेण्यासाठी जमलेले दिसतात.किती पार्सल रिटर्न आणले असा प्रश्न विचारला असता कोणी 20,कोणी 25, तर कोणाकडे तब्बल 50 पार्सल रिटर्न आली आहेत.
Dandiya khatam … Dress return
Shameless generation https://t.co/Jzqye1WZeV
— Nishant (@Nishantchant) October 16, 2026
ऑनलाईन खरेदीत कपड्यांचा आकार चुकींच असणं, रंग खराब असणं किंवा खराब कपडे मिळणं. अशा कारणांसाठी रिटर्नची सुविधा महत्त्वाची आहे. पण प्रत्येकाने जर अशा पद्धतीने याचा वापर केला तर ते चुकीचेच आहे. कारण यामुळे विक्रेत्याला जोरदार फटका बसू शकतो. कपडे पाठवण्याचा खर्ज, परतीची वाहतूक यासगळ्या खर्चावर ताण पडतो.
व्हिडिओ पाहून नेटकऱ्यांनी कमेंट्स च्या माध्यमातून आपलं मत लिहिलं आहे. एक जण म्हणतोय की असं वागणं म्हणजे चीटींग करण्यासारखं आहे. तर कोणी म्हणतंय तु्मच्या एका दिवसाच्या आनंदासाठी तुम्ही किती लोकांचं नुकसान करत आाहात. तर तिसरा म्हणतोय कपड्याच्या महागड्या भाड्यापासून वाचण्यासाठी केलेली ही आयडिया चांगली आहे.
या व्हिडिओवरून असा दावा केला जातोय की, काही जणांनी दांडियासाठी कपडे ऑनलाईन मागवले, ते घालून कार्यक्रमाचा आनंद घेतला आणि नंतर ते परत केले. मात्र व्हिडिओत दिसणाऱ्या पार्सलमध्ये नेमकं काय आहे. किंवा प्रत्येत कपडा वापरूनच परत केला आहे का याची स्वतंत्र पुष्टी झालेली नाही.
