Red Fort Blast: लाल किल्ल्या स्फोट प्रकरणात महाराष्ट्र कनेक्शन उघड, आरोपीनं हनी ट्रॅपद्वारे दोन महिलांशी जवळीक अन्..

लाल किल्ल्याजवळ झालेल्या स्फोट प्रकरणामध्ये एक महत्त्वपूर्ण महाराष्ट्र कनेक्शन उघडकीस आले आहे. दिल्लीतील या घटनेतील मुख्य आरोपी जुबैर हंगेरकर याने महाराष्ट्रातील दोन महिलांशी हनी ट्रॅपद्वारे जवळीक साधण्याचा प्रयत्न केला होता, अशी धक्कादायक माहिती तपास यंत्रणांनी दिली आहे. या स्फोटापूर्वी महाराष्ट्रात काही संशयास्पद हालचाली झाल्याचे प्राथमिक संकेत तपास यंत्रणांना मिळाले आहेत. या माहितीच्या आधारावर आता पुढील तपास युद्धपातळीवर सुरू आहे. जुबैर हंगेरकर याच्या महाराष्ट्रातील संपर्कांचा आणि त्याच्या मागील कृतींचा सखोल अभ्यास केला जात आहे.

महाराष्ट्रातील महिलांना लक्ष्य करण्याचा त्याचा उद्देश काय होता, या हनी ट्रॅपमागे कोणती मोठी योजना होती, आणि या हालचालींचा दिल्ली स्फोटाशी काय संबंध आहे, या दिशेने तपास सुरू आहे. तपास यंत्रणा या प्रकरणातील प्रत्येक धागा जोडून स्फोटामागील संपूर्ण कटाचा पर्दाफाश करण्याच्या प्रयत्नात आहेत. महाराष्ट्रातील हे कनेक्शन राष्ट्रीय सुरक्षेच्या दृष्टीने अत्यंत महत्त्वाचे मानले जात असून, यातून अनेक नवीन गोष्टी समोर येण्याची शक्यता आहे. यामुळे स्थानिक पातळीवरील यंत्रणांची सतर्कता देखील वाढवण्यात आली आहे.