Pankaja Munde PA Wife Death : पंकजा मुंडे यांचे PA अनंत गर्जेंच्या पत्नीचं टोकाचं पाऊल, संपवलं जीवन! नेमकं घडलं काय?

भाजप मंत्री पंकजा मुंडे यांचे पीए अनंत गर्जे यांच्या पत्नीचा मृत्यू झाला आहे. कुटुंबीयांनी या घटनेला आत्महत्या नसून हत्या म्हटले आहे. काही महिन्यांपूर्वीच अनंत गर्जे यांचे लग्न झाले होते. मुलीच्या कुटुंबीयांनी वरळी पोलीस ठाण्यात धाव घेत हत्येचा आरोप केला असून, पोलीस या प्रकरणी पुढील चौकशी करत आहेत.  मुलीच्या आई-वडिलांनी दिलेल्या माहितीनुसार, ती गेल्या दोन महिन्यांपासून आपल्या अडचणींबद्दल सांगत होती. तिच्या आणि पतीमध्ये वाद सुरू होते. घटनेच्या रात्री भांडणे झाल्याचे कुटुंबीयांचे म्हणणे आहे. अनंत गर्जे यांनी मात्र आपण घरी नसल्याचे आणि घरी परतल्यावर पत्नी गळफास घेतलेल्या अवस्थेत दिसल्याचे स्पष्टीकरण दिले आहे.