BJP Protest Against Amit Thackeray : माहिममध्ये भाजप युवा मोर्चाचे अमित ठाकरेंविरोधात आंदोलन

मुंबईतील माहिम परिसरात भारतीय जनता पार्टी युवा मोर्चाने (भाजप युवा मोर्चा) अमित ठाकरेंविरोधात तीव्र आंदोलन सुरू केले आहे. पंतप्रधानाचा फोटो कथितपणे काढल्याप्रकरणी भाजप युवा मोर्चाने अमित ठाकरेंच्या कृतीचा तीव्र निषेध केला आहे. ही कृती अत्यंत निंदनीय असल्याचे आंदोलनकर्त्यांचे म्हणणे आहे.

युवा मोर्चाच्या कार्यकर्त्यांनी सांगितले की, अमित ठाकरेंनी महाराष्ट्राचे युवा नेतृत्व बनण्याची संधी गमावली आहे. देशाच्या यशस्वी पंतप्रधानाचा अपमान महाराष्ट्राची जनता सहन करणार नाही, असा इशाराही त्यांनी दिला. हे आंदोलन शांततेत आणि संविधानिक पद्धतीने करण्यात येत असून, पोलिसांना सहकार्य केले जात आहे. कोणताही गैरप्रकार टाळण्याची भूमिका भाजपने घेतली आहे. या आंदोलनादरम्यान माहिममध्ये मोठा पोलीस बंदोबस्त तैनात करण्यात आला आहे. भाजप युवा मोर्चाचे मुंबई आणि महाराष्ट्र प्रदेशाचे पदाधिकारी व कार्यकर्ते मोठ्या संख्येने उपस्थित होते. त्यांचे नेते आल्यानंतर आंदोलनाला आणखी गती मिळणार असल्याचे सांगण्यात आले.