जय पवारांनी शेअर केलेल्या ‘त्या’ व्हिडीओवर भुजबळांकडून मोठा खुलासा!

छगन भुजबळ यांनी अजित पवार यांच्या विमानाशी संबंधित व्हायरल व्हिडिओ आणि अपघाताबाबतच्या विविध चर्चांवर भाष्य केले आहे. जय पवार यांनी शेअर केलेला पायलट झोपलेल्या अवस्थेतील व्हिडिओ अजित पवार यांच्या विमानाचा नसून तो दुसऱ्या विमानाचा असल्याचा दावा भुजबळ यांनी केला. पायलटच्या सीटवर पायलट झोपणे चुकीचे असून निष्काळजीपणा असल्याचे त्यांनी म्हटले.

भुजबळ यांनी अजित पवार यांच्या विमानाचा अपघात झाडाला आदळून झाल्याच्या दाव्यावर प्रश्नचिन्ह उपस्थित केले. ते म्हणाले की, विमानतळावर शेकडो लोक आणि मीडिया उपस्थित असतानाही कोणीही झाडाला आदळल्याचे सांगितले नाही. विमानाने पहिल्यांदा लँडिंग रद्द करून दुसऱ्या प्रयत्नात खाली येत असताना ते कलल्याचे भुजबळ यांनी सांगितले. त्यामुळे कदाचित कंट्रोल करायला वेळ मिळाला नसेल. या घटनेची डीजीसीएने चौकशी करावी अशी मागणी त्यांनी केली.