कन्नड बाजार समितीत संजना जाधव यांचा हर्षवर्धन जाधव यांना दे धक्का

छत्रपती संभाजीनगर : कृषी उत्पन्न बाजार समितीचा आज निकाल लागतोय. छत्रपती संभाजीनगरमधील निकाल आता समोर आला आहे. कन्नड बाजार समितीत माजी आमदार हर्षवर्धन जाधव यांना मोठा धक्का बसला आहे. संजना जाधव यांनी हर्षवर्धन जाधव यांचा पराभव केलाय. संजना जाधव आणि नितीन पाटील पॅनलचे 15 सदस्य विजयी झालेत. तर हर्षवर्धन जाधव यांच्या पॅनलच्या सर्वच सदस्यांचा धुव्वा उडाला आहे. कन्नड बाजार समितीवर शिंदे गट आणि संजना जाधव पॅनलने झेंडा फडकवला आहे. 18 पैकी 15 जागांवर त्यांनी विजय मिळवला आहे. संजना जाधव यांच्या पॅनलने हर्षवर्धन जाधव पॅनलला धूळ चारली आहे. कन्नड बाजार समितीत हर्षवर्धन जाधव यांच्या पॅनलचा सुफडा साफ झालाय.