“मविआ सत्तेसाठी एकत्र, पण त्यांचे विचार एक नाहीत! त्यामुळे वज्रमूठ सभा यशस्वी होणार नाही”

छत्रपती संभाजीनगर : केंद्रीय अर्थ राज्यमंत्री भागवत कराड यांनी महाविकास आघाडीच्या वज्रमूठ सभेवर टीका केली आहे. “तीन विचारांचे पक्ष एकत्र येऊन वज्रमुठ सभा घेत आहेत. हे सत्तेसाठी एकत्र आले आहेत. पण यांचे विचार एक नाहीत. हे फिजिकलीसोबत असले तरी मेंटली हे लोक एकत्र नाहीत. त्यामुळे त्यांच्या सभा यशस्वी होणार नाहीत, असं भागवत कराड म्हणाले आहेत. फक्त अजित पवारच अस्वस्थ नाहीत. तर राष्ट्रवादी, काँग्रेस आणि ठाकरे सेना यांच्यात अस्वस्थता आहे, विचार एक नसल्यामुळे ही अस्वस्थता आहे. राष्ट्रवादीमध्ये अस्वस्थता आहे ती अस्वस्थता कोणत्या टोकाला जाईल हे सांगता येत नाही, असंही भागवत कराड यांनी म्हटलं आहे.