बचत गटातील महिलांचा निर्धार, फडणवीस यांच्या घराबाहेर हनुमान चालीसा वाचणार

वर्धा : उपमुख्यमंत्री देवेंद्र फडणवीस यांच्या नागपूर येथील घरासमोरच आता हनुमान चालिसाचे पठण करण्यात येणार आहे. हे आंदोलन मनसे किंवा शिवसेना पक्षांचे नसून महिला बचत गटाच्या महिला सदस्यांचे आहे. वर्धा येथील ग्रामीण जीवन ज्योती बचत गटाच्या महिला हे आंदोलन करणार आहेत. मानधन वेळेत न दिल्याच्या निषेधार्थ हे आंदोलन छेडण्यात येणार आहे. आपले मानधन वेळेत देण्यात यावे अशी या महिलांनी मागणी असून जोपर्यंत मिळणार नाही तोपर्यंत देवेंद्र फडणवीस यांच्या घरासमोर हनुमान चालीसाचे पठण करणार आहेत.