Dhananjay Munde : संतोष देशमुख हत्येतील आरोपी कराडचा मुंडेंना कळवळा, जेलमधल्या वाल्मिकची काढली आठवण; म्हणाले, एक व्यक्ती…

परळी येथील प्रचारसभेत धनंजय मुंडेंनी जेलमध्ये असलेल्या वाल्मिक कराडची आठवण काढल्याने नवीन राजकीय वाद निर्माण झाला आहे. एका व्यक्तीची उणीव भासत असल्याचे मुंडेंनी म्हटले. वाल्मिक कराड हे संतोष देशमुख हत्या प्रकरणातील मुख्य आरोपी आहेत. धनंजय मुंडेंच्या या विधानावर संतोष देशमुख यांचे बंधू धनंजय देशमुख यांनी तीव्र प्रतिक्रिया दिली. त्यांच्या मते, यावरून धनंजय मुंडेंचा वाल्मिक कराड यांच्याशी संबंध स्पष्ट होतो. सध्याचे मुख्यमंत्री गुन्हेगारी कमी करण्यासाठी प्रयत्न करत असताना, अशा विधानांमुळे गुन्हेगारीला प्रोत्साहन मिळेल अशी भीती त्यांनी व्यक्त केली.

याच संदर्भात पंकजा मुंडेंनी एखाद्या प्रकरणात ज्याचा संबंध नाही तो माणूस पिसला जातो, गव्हाबरोबर किडेही भऱडले जातात असे विधान केले. त्यांच्या या वक्तव्याचा नेमका अर्थ काय, यावरून प्रश्नचिन्ह निर्माण झाले आहे. धनंजय देशमुख यांनी मात्र, या कटात सामील असलेल्यांनाच त्रास होईल आणि निष्पाप कोणालाही गोवले जाणार नाही, असे स्पष्ट केले.