CM Fadnavis : CM फडणवीस यांची मोठी घोषणा, डॉ. बाबासाहेबांच्या इंदू मिल स्मारकासंदर्भात थेट सांगितली डेडलाईन

मुख्यमंत्री देवेंद्र फडणवीस यांनी डॉ. बाबासाहेब आंबेडकरांच्या इंदू मिल येथील स्मारकाबाबत महत्त्वपूर्ण आश्वासन दिले आहे. देवेंद्र फडणवीस यांनी म्हटले आहे की, पुढील महापरिनिर्वाण दिनापूर्वी हे स्मारक पूर्ण करण्याचा प्रयत्न केला जाईल. डॉ. बाबासाहेब आंबेडकरांचे कार्य अथांग असून, त्यांच्या जीवनाबद्दल आणि कार्याबद्दल कितीही बोलले तरी ते कमीच असल्याचे मुख्यमंत्री फडणवीस यांनी नमूद केले. आनंदराजजींनी केलेल्या सूचनांवरही विचार करून आवश्यक व्यवस्था केली जाईल, असे त्यांनी स्पष्ट केले.

दरम्यान, मुंबईतील दादर चैत्यभूमीवर भारतरत्न डॉ. बाबासाहेब आंबेडकरांच्या 69व्या महापरिनिर्वाण दिनानिमित्त मोठ्या संख्येने जनसमुदाय लोटला आहे. आज ६ डिसेंबर रोजी लाखो भीम अनुयायी बाबासाहेबांना अभिवादन करण्यासाठी पहाटेपासूनच चैत्यभूमीवर दाखल झाले आहेत. यानिमित्ताने राज्यपाल रमेश बैस, मुख्यमंत्री देवेंद्र फडणवीस, उपमुख्यमंत्री एकनाथ शिंदे यांनी डॉ. बाबासाहेब आंबेडकरांच्या स्मारकास आदरांजली वाहिली.