CM Devendra Fadnavis : मोदींचं काँग्रेसवरील ट्वीट फडणवीसांकडून आधी रिट्वीट मग डिलीट; नेमकं काय घडलं?

महाराष्ट्रामध्ये पार पडलेल्या विधान परिषदेच्या पाच जागांच्या निवडणुकीचे निकाल नुकतेच जाहीर झाले. यामध्ये महाविकास आघाडीने तीन जागांवर तर महायुतीने दोन जागांवर विजय मिळवला. या निकालांपूर्वी पंतप्रधान नरेंद्र मोदी यांनी काँग्रेस आणि विरोधकांना उद्देशून एक उपरोधिक ट्वीट केले होते. मतपत्रिकांवर निवडणुका घेऊ नयेत आणि काँग्रेसला किती जागा मिळाल्या, असा सवाल त्यांनी विचारला होता.

पंतप्रधानांचे हे ट्वीट महाराष्ट्राचे मुख्यमंत्री देवेंद्र फडणवीस यांनी लगेच रिट्वीट केले. मात्र, रात्री उशिरा नागपूर पदवीधर मतदारसंघाचा निकाल लागला. यामध्ये काँग्रेसचे उमेदवार अभिजित वंजारी यांनी विजय मिळवला. या विजयानंतर फडणवीसांनी रिट्वीट केलेले पंतप्रधानांचे ट्वीट डिलीट केले. काँग्रेसने या कृतीवरून फडणवीसांची जोरदार खिल्ली उडवली आहे. यामुळे राज्यातील राजकीय वर्तुळात चांगलीच चर्चा रंगली आहे.