Imtiaz Jaleel Car Attack : संभाजीनगरात MIM च्या सभेपूर्वीच जलील यांच्या गाडीवर हल्ला, तणावपूर्ण वातावरण; नेमकं घडलं काय?

छत्रपती संभाजीनगरमध्ये एमआयएमच्या सभेपूर्वीच पक्षाचे खासदार इम्तियाज जलील यांच्या गाडीवर नाराज कार्यकर्त्यांनी हल्ला करण्याचा प्रयत्न केला. बायजीपुरा येथे पदयात्रा काढत असताना ही घटना घडली. एमआयएममधील अंतर्गत गटबाजी आणि उमेदवारी वाटपावरून जुन्या कार्यकर्त्यांमध्ये असलेली तीव्र नाराजी यातून समोर आली आहे. जलील यांच्याविरोधात घोषणाबाजी करत काळे झेंडे दाखवण्यात आले. संतप्त कार्यकर्त्यांनी त्यांची गाडी अडवून आदळ-आपट करण्याचाही प्रयत्न केला. पक्षाने नव्या चेहऱ्यांना संधी दिल्याने जुना गट नाराज असल्याचे समोर आले आहे. काही नाराज कार्यकर्त्यांनी ओवेसी पॅनल तयार केल्याचीही चर्चा आहे. आज असदुद्दीन ओवेसी यांची सभा होणार असताना हा प्रकार घडल्याने शहरात तणाव वाढला आहे. यावर प्रतिक्रिया देताना जलील यांनी पदयात्रा काढण्याचा आपला अधिकार असल्याचे म्हटले असून, १६ तारखेला मतपेटीतून या काळ्या झेंड्यांचा अर्थ स्पष्ट होईल, असे नमूद केले.