इराण-इस्रायल युद्धामुळे पेट्रोल-डिझेलचे दर महागण्याची भीती

इराण आणि इस्रायल यांच्यातील वाढत्या युद्धजन्य परिस्थितीमुळे जागतिक बाजारपेठेवर गंभीर परिणाम दिसून येत आहेत. या संघर्षाचा भारताच्या अर्थव्यवस्थेवरही परिणाम होण्याची भीती व्यक्त होत आहे. आंतरराष्ट्रीय बाजारात कच्च्या तेलाच्या किमती वाढल्यास भारतात पेट्रोल आणि डिझेलचे दर वाढू शकतात. सध्या मुंबईत पेट्रोल ₹१०६.०३ आणि डिझेल ₹९२.०२ प्रति लीटर दराने उपलब्ध आहे, मात्र येत्या काही दिवसांत या किमतीत वाढ होण्याची शक्यता आहे.

या युद्धाचा कृषी क्षेत्रालाही फटका बसला आहे. नाशिक जिल्ह्यातील कांदा आणि द्राक्ष उत्पादकांना यामुळे मोठा फटका बसला आहे. नवी मुंबईतील जेएनपीटी बंदरात कांदा आणि द्राक्षांचे सुमारे २०० कंटेनर अडकून पडले आहेत. यामुळे निर्यातीची प्रक्रिया थांबली असून, स्थानिक बाजारात बाजारभाव गडगडण्याची भीती व्यक्त होत आहे. त्याचबरोबर, यूएईमधून भारतीय नागरिकांना मायदेशी परत आणण्यासाठी स्पाइसजेट विशेष विमानांचे संचालन करत आहे.