मला कुणी विचारलंच नाही, तर मी का बोलू! जितेंद्र आव्हाड स्पष्टच बोलले

राष्ट्रवादी काँग्रेसचे नेते जितेंद्र आव्हाड यांनी अजित पवारांच्या विमान अपघाताच्या चौकशी प्रक्रियेतील दिरंगाई आणि ब्लॅक बॉक्सच्या संदर्भात उपस्थित केलेल्या प्रश्नांवर तीव्र चिंता व्यक्त केली आहे. आव्हाड यांच्या मते, ब्लॅक बॉक्स जळून गेल्याचा दावा संशयास्पद आहे. कारण ब्लॅक बॉक्स टायटॅनियम धातूचा बनलेला असतो, जो 11,000 अंश सेल्सिअस तापमानातही सुरक्षित राहू शकतो. अपघाताच्या ठिकाणी विमानाचा तो भाग शाबूत असताना, ब्लॅक बॉक्स जळाल्याचा दावा योग्य नाही, असे आव्हाड यांनी म्हटले आहे.

रोहित पवार यांनी या अपघाताच्या चौकशीसाठी केलेल्या मागण्यांमध्ये तथ्य असल्याचे आव्हाड यांनी नमूद केले. संबंधित विमान कंपनी कोणाची आहे, त्यात कुणाचे पैसे गुंतवले आहेत, विमानाने किती तास उड्डाण केले होते आणि भारतात उडण्याची त्याला परवानगी होती का, तसेच DGCA (नागरिक हवाई वाहतूक महासंचालनालय) या प्रकरणावर पांघरूण घालण्याचा प्रयत्न करत आहे का, असे अनेक प्रश्न त्यांनी उपस्थित केले. चौकशीला जितका विलंब होईल, तितका या प्रकरणात संशयाला अधिक वाव मिळेल, असे आव्हाड यांनी स्पष्ट केले आहे. ते हे प्रश्न विधानसभेतही उपस्थित करणार असल्याचे त्यांनी सांगितले.