तो एक व्हिजन असलेला प्रतिनिधी! शिंदेंकडून लेकाचं कौतुक

खासदार डॉ. श्रीकांत शिंदे यांच्या नेतृत्वाखाली कल्याण लोकसभेमध्ये अनेक महत्त्वाकांक्षी विकास प्रकल्प साकारले आहेत. त्यांच्या दूरदृष्टीमुळे डोंबिवली येथे देशातील पहिले मल्टी-पर्पज, मल्टी-लेव्हल वर्टिकल इनडोअर स्टेडियम उभे राहिले आहे. या स्टेडियममुळे कल्याण-डोंबिवलीतील खेळाडूंना राष्ट्रीय आणि आंतरराष्ट्रीय स्तरावर आपले कौशल्य दाखवण्यासाठी एक मोठे व्यासपीठ मिळणार आहे.

यासोबतच, देशभक्ती आणि राष्ट्रभक्तीची भावना जागृत करणारे वॉर मेमोरियल देखील उभारण्यात आले आहे, जे देशासाठी लढलेल्या जवानांच्या त्यागाची आठवण करून देते आणि सर्वांना प्रेरणा देते. सावित्रीबाई फुले नाट्यगृहाचे नूतनीकरण आणि अनेक कॉंक्रीटचे रस्ते तसेच पिण्याच्या पाण्याची सोय यांसारखी मूलभूत कामेही मोठ्या प्रमाणात झाली आहेत. डॉ. श्रीकांत शिंदे यांनी केवळ विकासात्मक कामे केली नाहीत, तर एक दूरदृष्टी असलेला लोकप्रतिनिधी म्हणून शहराच्या गरजा ओळखून प्रकल्प पूर्ण केले आहेत, असे मुख्यमंत्री एकनाथ शिंदे यांनी नमूद केले.