Voter List Fraud : महाराष्ट्रात ‘पप्पू’वरून हंगामा! दुबार मतदारांची लढाई थेट पप्पूपर्यंत, राजकारणात चाललंय काय?

महाराष्ट्रामध्ये पप्पू या शब्दावरून राजकीय टीका-टिप्पणी सध्या तीव्र झाली आहे. मतदार याद्यांमधील कथित दुबार मतदारांच्या मुद्द्यावरून ही चर्चा सुरू झाली. युवासेना प्रमुख आदित्य ठाकरे यांनी यासंदर्भात एक सादरीकरण केले होते, ज्यावर मुख्यमंत्री देवेंद्र फडणवीस यांनी आदित्य ठाकरेंना उद्देशून पप्पू अशी बोचरी टिप्पणी केली.

फडणवीस म्हणाले की, राहुल गांधी ज्याप्रमाणे मोठ्या स्क्रीनवर सादरीकरण करतात, त्याचप्रमाणे आदित्य ठाकरेंनी महाराष्ट्राचा पप्पू असल्यासारखे प्रदर्शन करू नये. त्यांच्या या वक्तव्यावर त्वरित प्रत्युत्तर म्हणून उद्धव ठाकरे यांनी देवेंद्र फडणवीस यांच्यावरच निशाणा साधत त्यांना महाराष्ट्राचा पप्पू ठरवले.

उद्धव ठाकरे म्हणाले की, आशिष शेलार यांनी नकळतपणे फडणवीसांनाच पप्पू ठरवले आहे. सत्ताधारी आणि विरोधकांमध्ये मतदारांच्या यादीतील कथित त्रुटींवरून सुरू झालेल्या वादाला या शाब्दिक युद्धामुळे नवे वळण मिळाले आहे. पप्पू या उपनामाने राजकीय वातावरण अधिकच तापले असून, हा मुद्दा आता दिल्लीपासून गल्लीपर्यंत पोहोचला आहे.