Sharad Sonawane : जुन्नरचा आमदार थेट बिबट्याच्या वेशात विधानभवनात अन् सरकारकडे काय मागणी?

नागपूर येथे सुरू असलेल्या हिवाळी अधिवेशनात, बिबट्यांच्या वाढत्या हल्ल्यांमुळे निर्माण झालेल्या गंभीर परिस्थितीवर आमदार शरद सोनवणे यांनी लक्ष वेधले आहे. संपूर्ण महाराष्ट्रात बिबट्यांची संख्या नऊ ते दहा हजारांपर्यंत पोहोचली असून, जुन्नर तालुक्यात गेल्या तीन महिन्यांत ५५ लोकांना जीव गमवावा लागला आहे. बिबट्याच्या भीतीमुळे लहान मुले अंगणात खेळायलाही धजावत नाहीत आणि शेतकरी शेतीत काम करण्यास कचरत आहेत. सोनवणे यांनी सरकारकडे तातडीने या समस्येचे निराकरण करण्याची मागणी केली आहे. त्यांनी बिबट्याच्या हल्ल्यांना ‘राज्य आपत्ती’ घोषित करून मुख्यमंत्र्यांनी सु-मोटो निर्णय घेण्याची विनंती केली. तसेच, जुन्नर आणि अहिल्यानगर (अहमदनगर) येथे प्रत्येकी एक हजार बिबटे ठेवता येतील अशी दोन रेस्क्यू सेंटर्स तीन महिन्यांच्या आत उभारण्याची मागणी केली आहे. सध्याच्या उपायांमुळे काहीही उपयोग होत नसल्याचे त्यांनी म्हटले आहे.