उद्धव ठाकरे राष्ट्रीय राजकारणात सक्रिय होणार? संजय राऊत यांनी काय दिले संकेत?

मुंबई : गेल्या काही दिवसांपूर्वी उद्धव ठाकरे यांची अरविंद केजरीवाल यांनी मातोश्रीवर भेट घेतली होती. यासंदर्भात बोलताना विरोधी पक्षांची मोट बांधण्यासाठी एकत्र येण्याची सुरुवात झाली असल्याचे ठाकरे गटाचे खासदार संजय राऊत यांनी म्हंटलं आहे. तर पंतप्रधान नरेंद्र मोदी यांच्या विरोधात विरोधी पक्षांनी मोट बांधणं गरजेची असून त्यासाठी शिवसेने पुढाकार घेण्यास सुरूवात केली असल्याचेही संजय राऊत यांनी म्हटले आहे. गेल्या काही महिन्यांपासून उद्धव ठाकरे हे राष्ट्रीय राजकारणात सक्रिय होणार असल्याचे चर्चा होती. त्यावर संजय राऊत यांनी स्पष्ट सांगितले आहे की, आम्ही सर्वांनी उद्धव ठाकरे यांना दिल्लीत येऊन विविध नेत्यांच्या भेटीगाठी घेण्यासाठी सांगितलं आहे. त्याबाबत ते लवकरच विचार करतील, असा विश्वासही त्यांनी व्यक्त केला.