Eknath Khadse : ‘एकनाथ खडसे सराईत गुन्हेगार अन् 34 कोटी रुपयांची चोरी…’, कुणी केला गंभीर आरोप?

राज्याच्या राजकारणात चंद्रकांत पाटील आणि एकनाथ खडसे यांच्यातील शाब्दिक युद्ध तीव्र झाले आहे. चंद्रकांत पाटील यांनी एकनाथ खडसे यांच्यावर गंभीर आरोप करत त्यांना सराईत गुन्हेगार म्हटले. खडसे यांच्यावर गौण खनिजाची ३४ कोटी रुपयांची चोरी केल्याचा तसेच ५०९ कलमांतर्गत गुन्हा दाखल असल्याचा दावा पाटलांनी केला. खडसे यांच्या मोठ्या राजकीय पदांमुळे काही गुन्हे समोर आले नसल्याचेही ते म्हणाले.

या आरोपांना प्रत्युत्तर देताना, खडसे गटाने चंद्रकांत पाटील यांच्यावरच सराईत गुन्हेगार असल्याचा प्रति-आरोप केला. आपल्या ४५ वर्षांच्या राजकीय जीवनात केवळ राजकीय गुन्हे वगळता कोणताही गुन्हा दाखल नसताना, पाटील यांनी रक्षाताईंवर गुंडागर्दीचे आरोप केल्याचे खडसे गटाने म्हटले. उलट, चंद्रकांत पाटलांवर खुनाचा प्रयत्न (कलम ३०७) आणि तडीपारीची नोटीस होती, असे सांगत खरा सराईत गुन्हेगार कोण, असा सवाल त्यांनी उपस्थित केला.