दादरमध्ये धुळवडीनिमित्ताने तरुणाईचा उत्साह

मुंबईतील दादर परिसरात 2026 मध्ये धुळवडीनिमित्ताने मोठा उत्साह दिसून येत आहे. लहानांपासून मोठ्यांपर्यंत सर्वच नागरिक या रंगांच्या सणाचा आनंद घेताना दिसत आहेत. छत्रपती शिवाजी महाराज पार्कजवळच्या महानगरपालिकेच्या मैदानात होळीचे विशेष आयोजन करण्यात आले आहे.

या ठिकाणी मोठ्या संख्येने तरुणाई जमली असून, रंगांची उधळण करत आणि डीजेच्या तालावर थिरकत त्यांनी धुळवड साजरी केली. संपूर्ण देशभरात होळीचा उत्साह असला तरी मुंबईतील दादरमधील हे दृश्य विशेष लक्षवेधी ठरले आहे. नैसर्गिक रंगांचा वापर करण्याचे आवाहन करण्यात आले असून, त्यास नागरिकांनी प्रतिसाद दिला आहे. या उत्सवात तरुणाईची उपस्थिती मोठ्या प्रमाणात आहे, असे प्रतिनिधी निवृत्ती बाबर यांनी माहिती दिली.