एकनाथ शिंदे मातोश्रीवर येऊन रडले अन् म्हणाले…; बंडाबाबत आदित्य ठाकरे यांचा सर्वात मोठा गौप्यस्फोट

मुंबई : एकनाथ शिंदे यांनी 2022 मध्ये उद्धव ठाकरे यांच्याविरोधात बंड केलं. आपल्या समर्थक आमदारांसह भाजपसोबत युती केली. या बंडखोरीवेळी घडलेल्या एका घटनेबाबत ठाकरेगटाचे आमदार आदित्य ठाकरे यांनी मोठा गौप्यस्फोट केलाय. एकनाथ शिंदे मातोश्रीवर येऊन रडले, असं आदित्य ठाकरे म्हणाले आहेत. एकनाथ शिंदे मातोश्रीवर येऊन रडले. तेव्हा त्यांनी आपल्या मनातील भीती बोलून दाखवली. भाजपसोबत गेलो नाही तर मला जेलमध्ये टाकतील, असं आदित्य ठाकरे यांनी म्हटलं आहे. एका मुलाखती दरम्यान आदित्य ठाकरे यांनी हा गौप्यस्फोट केलाय. आदित्य ठाकरे यांच्या वक्तव्यानंतर राजकीय वर्तुळात एकच चर्चा होतेय.