Rakhi Sawant : लग्न भलत्याचं अन् चर्चा राखी सावंतची!; मुंबईतील लग्नात राखी पोहोचली नवरीच्या रूपात

मुंबई : मुंबईतील मालाडमधल्या एका लग्नसोहळ्यात ड्रामा क्विन राखी सावंतची जोरदार चर्चा झाली. कारण लग्न होतं एका वेगळ्या जोडीचं अन् नवरीच्या रूपात गेली राखी सावंत! मुंबईतील मालाडमधल्या एका लग्नसोहळ्यात ड्रामा क्वीन राखी सावंत नववधूच्या रुपात आली. मालाडच्या मालवणी इथल्या ग्रीन व्हिलेज हॉटेलमध्ये एका गायिकेच्या लग्नसोहळ्यात राखी पोहोचली. ढोल वाजवून राखीचं स्वागत करण्यात आलं. या लग्नाला राखी सावंत नववधूसारखा मेकअप करून आली होती. लग्नात पोहोचताच राखी सावंत ढोलावर नाचू लागली. राखी सावंतने यावेळी टीव्ही 9 मराठीशी बातचित केली. “आमची बारात आली नाही, म्हणून मी दुसऱ्याच्या लग्नाला नवरी बनून आली आहे”, असं राखी म्हणाली.