वरळीतील सभेचा व्हीडिओ शेअर करत संजय राऊतांची मुख्यमंत्री एकनाथ शिंदेंवर टीका

शिवसेना ठाकरेगटाचे नेते, खासदार संजय राऊत यांनी मुख्यमंत्री एकनाथ शिंदे यांच्या वरळीतील सभेवर टीका केली आहे. या सभेदरम्यानचा व्हीडिओ त्यांनी शेअर केलाय. “वरळीत मुख्यमंत्र्यांचं भाषण सुरू असताना लोक घरी निघालेत. कोळी बांधवांनी धोक्याचा बावटा दाखवला आहे. कशाला उगाच स्वतःची अब्रू काढून घेताय. 32 वर्षाचा तरुण नेता भारी पडतोय. बरोबर ना?”, असं ट्विट करत संजय राऊत यांनी टीका केली आहे.