Indias First Aadhaar Holder : देशातील पहिली आधार कार्डधारक महिलाच सरकारी योजनांपासून वंचित, गेल्या 15 वर्षात… शासनाकडे काय मागणी?

नंदुरबार येथील रंजना सोनवणे, ज्या स्वतःला आधार कार्डाची देशातील पहिली महिला धारक असल्याचा दावा करतात, त्यांनी १५ वर्षांनंतरही आपली आर्थिक परिस्थिती बदलली नसल्याची खंत व्यक्त केली आहे. आधार कार्ड मिळाल्यानंतरही त्यांना अनेक सरकारी योजनांचे लाभ मिळाले नाहीत, असे त्यांचे म्हणणे आहे. सोनवणे यांना गॅस सिलिंडर, मुलाच्या नावावर घरकुल आणि भांडी अशा तीन योजनांचे लाभ मिळाल्याचे नमूद केले, परंतु घरकुल योजनेतील रक्कम अपूर्ण मिळाल्याने काम अर्धवट राहिले आहे. सोनवणे यांनी शासनाकडे आपले अपूर्ण घरकुल पूर्ण करण्याची आणि आपल्या मुलांना नोकरी मिळवून देण्याची हात जोडून विनंती केली आहे. सध्या त्या अत्यंत गरीब परिस्थितीत असून, पावसात घर पडण्याची भीती त्यांनी व्यक्त केली आहे.