अजित पवार हयात असताना सुनील तटकरेंच्या विरोधात काहींची नाराजी?

राष्ट्रवादी काँग्रेसमध्ये अंतर्गत नाराजीचे सत्र सुरू असल्याचे समोर आले आहे. पक्षाच्या विविध सेलच्या प्रदेशाध्यक्षांनी सुनील तटकरेंविरोधात नाराजी व्यक्त करत राजीनामे दिले होते. मिळालेल्या माहितीनुसार, यामध्ये उद्योग विभागाचे अध्यक्ष सुभाष मालपाणी आणि असंघटित कामगार सेलचे अध्यक्ष मनोज व्यवहारे यांचा समावेश आहे. तसेच, सचिन जाधव आणि इतर काही पदाधिकाऱ्यांनीही राजीनामे दिले होते.

२६ जानेवारी रोजी अजित पवार हयात असताना या सर्व पदाधिकाऱ्यांनी त्यांना भेटून राजीनामे सोपवले होते. त्यावेळी अजित पवारांनी ते राजीनामे मंजूर केले नव्हते. मात्र, आता अजित पवारांचा पूर्वीचा सक्रिय सहभाग किंवा प्रभाव नसताना, पक्षाने या सर्व पदाधिकाऱ्यांचे राजीनामे कारणे न विचारताच मंजूर केले आहेत. यामुळे पक्षामधील या पदाधिकाऱ्यांमध्ये तीव्र नाराजी असून, अजित पवार सक्रिय असताना मिळणारी वागणूक आणि आताची वागणूक यात फरक असल्याचे त्यांची खंत आहे. पक्षाच्या वरिष्ठ नेतृत्वाकडून यावर काय भूमिका घेतली जाते, हे पाहणे महत्त्वाचे ठरणार आहे.