शिवसेना एकच! गद्दारांनी शिवसेनेवर दावा करणं हे विकृतीचं लक्षण- उद्धव ठाकरे

नवी दिल्ली : शिवसेना एकच आहे. दुसरी शिवसेना मी मानत नाही, असं म्हणत उद्धव ठाकरेंनी शिंदेगटाला इशारा दिलाय. आमचा लोकशाहीवर विश्वास आहे. 16 आमदार अपात्र होण्याची दाट शक्यता आहे. शिवसैनिक आमच्यासोबत आहेत.जनता आमच्या पाठिशी आहे. त्यामुळे आम्हाला विश्वास आहे की निकाल आमच्याच बाजूने लागेल, असंही उद्धव ठाकरे म्हणालेत. शिवाय सर्वोच्च न्यायालयाच्या निकालानंतरच निवडणूक आयोगाने चिन्हावर निकाल द्यावा, असं मतही त्यांनी व्यक्त केलंय.