उपमुख्यमंत्री सुनेत्रा पवारांची नरहरी झिरवळांवर नाराजी?

राष्ट्रवादी काँग्रेसच्या देवगिरीवरील बैठकीत सुनेत्रा पवारांच्या नावाला राष्ट्रीय अध्यक्षपदासाठी एकमताने पाठिंबा मिळाला आहे. प्रफुल्ल पटेलांकडून त्यांचा प्रस्ताव मांडण्यात आला, ज्यास सर्व आमदारांनी सहमती दर्शवली. 26 फेब्रुवारी रोजी या अध्यक्षपदाच्या निवडीची औपचारिकता होणार आहे.

या बैठकीत उपमुख्यमंत्री सुनेत्रा पवारांनी आमदारांना भावनिक आवाहन केले. अजित पवारांनी पक्ष सोडल्यानंतर उद्भवलेल्या संकटाचा उल्लेख करत त्यांनी आमदारांना साथ देण्याचे आवाहन केले. त्या म्हणाल्या की, इच्छा नसतानाही त्यांना हे सर्व सांभाळावे लागणार आहे आणि त्या प्रत्येकाला ताकद देण्याचे काम करतील.

महत्त्वाचे म्हणजे, सुनेत्रा पवारांनी यावेळी नरहरी झिरवळांवर तीव्र नाराजी व्यक्त केली. मंत्रालयातील झिरवळांच्या कार्यालयातील लाचखोरी प्रकरणावरून ही नाराजी होती. उपस्थित असलेल्या झिरवळांना त्यांनी स्वतःच्या आणि पक्षाच्या प्रतिमेची काळजी घेण्याची तसेच प्रशासनामुळे पक्ष बदनाम होणार नाही याची खबरदारी घेण्याची सूचना दिली. विलिनीकरणाच्या चर्चा बैठकीचा अजेंडा नव्हता, पक्ष आणि दादांचे योगदान अबाधित ठेवण्यावर भर देण्यात आला.