जितेंद्र आव्हाड व्यासपीठावर गेले आणि व्यासपीठचं कोसळलं, कुठं घडला प्रकार?

ठाणे : राष्ट्रवादीचे आमदार जितेंद्र आव्हाड हे थोडक्यात बचावल्याचा व्हिडीओ सध्या सोशल मीडियावर जोरदार व्हायरल होत आहे. ठाण्यातील मुंब्रा येथे मुंब्रा प्रीमियर लीग क्रिकेटच्या अंतिम सामन्यात जितेंद्र आव्हाड यांनी हजेरी लावली. यावेळी जितेंद्र आव्हाड स्टेजवर आले असता ते स्टेजवरील खुर्चीत बसणार तितक्यात स्टेजचा काही भाग कोसळला आणि आव्हाड पडता पडता वाचले. यावेळी उपस्थित असलेल्या लोकांनी त्यांना पकडलं आणि ते सावरले. उपस्थितांनी जितेंद्र आव्हाड यांना स्टेजपासून थोडे दूर नेले. सुदैवाने कोणतीही मोठी घटना घडली नाही. याघटनेचा व्हिडीओ सोशल मीडियावर चांगलाच व्हायरल होताना दिसतोय. गेल्या काही दिवसांपूर्वी राज्य सरकारच्या अर्थसंकल्पीय अधिवेशनात विधानभवनातून बाहेर येत असताना मुख्यमंत्री एकनाथ शिंदे यांचा पायऱ्यावरून उतरत असताना पाय घसरला आणि ते पडता पडता वाचले आणि आता जितेंद्र आव्हाड यांची घटना घडली.