Mumbai Local Train : लोकलमधून त्यानं असं काही केलं की महिला प्रवाशांची तळपायाची आग मस्तकात, बघा VIDEO, संतप्त प्रकार कॅमेऱ्यात कैद

मुंबईतून एक धक्कादायक बातमी समोर आली आहे, जिथे लोकल प्रवासादरम्यान एका प्रवाशाने महिला प्रवाशांकडे बघून अश्लील हावभाव केल्याचे दृश्य कॅमेरात कैद झाले आहे. मध्य रेल्वे मार्गावरील ठाणे आणि मुलुंड स्थानकांदरम्यान हा प्रकार घडला असल्याची माहिती मिळत आहे. घडलेल्या घटनेनुसार, एक व्यक्ती जलद लोकल मधून प्रवास करत असताना धीम्या लोकलकडे पाहत होता.

याच दरम्यान, त्याने धीम्या लोकलमध्ये असलेल्या महिला प्रवाशांना उद्देशून अश्लील हातवारे केले. या संपूर्ण घटनेचे चित्रण कॅमेरात झाले असून, हे व्हिडिओ आता समोर आले आहेत. या प्रकारामुळे मुंबई लोकलमध्ये प्रवास करणाऱ्या महिलांच्या सुरक्षेचा प्रश्न पुन्हा एकदा ऐरणीवर आला आहे. सार्वजनिक ठिकाणी अशा प्रकारच्या कृत्यांमुळे महिला प्रवाशांमध्ये भीतीचे वातावरण निर्माण झाले आहे. रेल्वे प्रशासनाने यावर तातडीने कठोर कारवाई करण्याची मागणी केली जात आहे. मुंबईची जीवनवाहिनी असलेल्या लोकलमध्ये असे प्रकार घडणे गंभीर बाब आहे.