पृथ्वीराज चव्हाण साताऱ्यातून निश्चित? लोकसभा निवडणूक लढणार?

पृथ्वीराज चव्हाण आणि जयंत पाटील यांच्यात आज कराडमध्ये बंद दाराआड चर्चा झाली. महाविकास आघाडीच्या सातारा आणि सांगलीच्या जागेवरून कराडमध्ये खलबतं झाल्याची माहिती मिळतेय. तर पृथ्वीराज चव्हाण आणि जयंत पाटील यांच्यात साधारण तासभर चर्चा झाली. श्रीनिवास पाटलांनी प्रकृतीच्या कारणास्तव माघार घेतल्याने पृथ्वीराज चव्हाणांच्या नावाची चर्चा असल्याची माहिती सूत्रांनी दिली. प्रकृतीच्या कारणामुळे श्रीनिवास पाटलांनी पुन्हा निवडणूक लढण्यास नकार दिलाय. त्यामुळे पृथ्वीराज चव्हाण आणि शशिकांत शिंदे या दोघांच्या नावांची चर्चा आहे. मुख्यमंत्री पदाबरोबर दिल्लीचा अनुभव म्हणून चव्हाणांचं पारडं जड आहे. स्वच्छ चेहरा आणि स्थानिक पातळीवर सर्वांशी चांगले संबंध आहेत. कराड लोकसभा अस्तित्वात असताना चव्हाण ३ वेळा खासदार राहिले. पण जर नाव ठरल्यास चव्हाण तुतारी की पंजा,कोणत्या चिन्हावर लढणार? हे पाहणं आता महत्त्वाचं ठरणार आहे.