उद्धव ठाकरे यांच्या खेडमधील सभेला मुस्लीम बांधवांचा पाठिंबा; 25 हजार मुस्लिम बांधव सहभागी होणार

खेड, रत्नागिरी : उद्धव ठाकरे यांची आज रत्नागिरीतील खेडमध्ये जाहीर सभा होतेय. आज संध्याकाळी सहा वाजता ही होणार आहे. खेडमधील उद्धव ठाकरे यांच्या सभेला मुस्लीम मराठी सेवा संघाने पाठिंबा दिला आहे. ठाकरेंच्या या सभेमध्ये 25 हजार मुस्लिम बांधव सहभागी होणार असल्याची माहिती मुस्लिम सेवा संघाचे नेते फारूक ठाकूर यांनी दिली आहे. महाराष्ट्रातील आमचे सर्व पदाधिकारी उद्धव ठाकरेंच्या बाजूने उभे राहणार आहेत. शिवसेनेनं कधीही मुस्लिमाचा विरोध केला नाही. पाकिस्तान जिंकला म्हणून फटाके फोडणाऱ्यांच्या विरोधात बाळासाहेब ठाकरे बोलायचे. त्यामुळे आम्ही सगळे उद्धव ठाकरेंच्या बाजूनू उभे राहणार,असं फारूक ठाकूर म्हणाले आहेत.