‘गुणरत्न सदावर्ते बँकींग सेक्टरला कलंक अन् ST बँकेत त्यांची मनमानी’, शिवसेनेच्या नेत्याचा हल्लाबोल

मुंबई, ११ सप्टेंबर २०२३ | गेल्या अनेक दिवसांपासून गुणरत्न सदावर्ते यांची मनमानी ST बँकेत सुरू आहे, बँक बुडायला आली आहे, एका २१ वर्षीय तरुणाला त्यांनी एमडी म्हणून घेतलंय असे म्हणत एसटी महामंडळाचे उपाध्यक्ष शेखर चन्ने यांनाही ते विश्वासात घेत नसून सहकार कायदा पायदळी तुडवला जातोय, असा आरोप शिवसेना नेते आनंदराव अडसूळ यांनी केलाय. तर गुणरत्न सदावर्ते हे बॅंकींग सेक्टरला कलंक आहे. सहकारी बँका बुडवायला निघालेत ते कुणाचंही ऐकत नाहीत, कर्मचाऱ्यांवर दमदाटी करत असल्याचेही आनंदराव अडसूळ यांनी म्हटले आहे. सदावर्ते आणि त्यांची पत्नी आततायीपणा करत आहेत, सात दिवसांपासून हे सगळं सुरू असतानाही सरकार गप्प का आहे? असा सवाल करत अशा व्यक्तीवर कारवाई होणं गरजंचे असून चौकशी करण्याची मागणी त्यांनी केली आहे.