नव्या जोमाने कार्यरत राहणे, हीच सर्वोच्च श्रद्धांजली! सुनेत्रा पवारांचे भावनिक ट्वीट

महाराष्ट्रातील स्थानिक स्वराज्य संस्थांच्या निवडणुका सर्वोच्च न्यायालयाच्या आदेशामुळे अनिश्चित काळासाठी लांबणीवर पडल्या आहेत. झेडपीमध्ये 50 टक्क्यांच्या आरक्षण मर्यादेचा मुद्दा प्रलंबित असल्याने कोर्टाने निवडणुका घेण्यास नकार दिला आहे. 50 टक्क्यांचा आरक्षण मर्यादेचा प्रश्न निकाली निघेपर्यंत निवडणुका घेणे योग्य नाही, अशी भूमिका सुप्रीम कोर्टाने स्पष्ट केली आहे. या प्रकरणी दोन दिवसांत पुढील सुनावणीची अंतिम तारीख निश्चित केली जाईल, ज्यात याचिकाकर्ते आणि प्रतिवादी आपले युक्तिवाद सादर करतील. या निर्णयानंतर जिल्हा परिषद आणि पंचायत समित्यांच्या निवडणुकांचे भवितव्य ठरेल.

दरम्यान, अंजली दमानिया यांनी प्रफुल पटेल यांच्या एका व्हायरल व्हिडीओवरून ट्वीट करत टीका केली आहे. अंजली दमानिया यांनी प्रश्न उपस्थित केला की, हे अजित पवारांचे वर्षानुवर्षाचे साथी असू शकतील का आणि त्यांना त्यांच्या जाण्याने दुःख झाले आहे का?

अजित पवारांच्या स्मरणार्थ आयोजित शोक सभेत अनेकांनी आपल्या भावना व्यक्त केल्या. सुनेत्रा पवार यांनीही ट्वीट करत म्हटले आहे की, दादांचे कार्य, त्यांचे कणखर नेतृत्व आणि जनसामान्यांशी असलेली जिव्हाळ्याची नाळ ही त्यांची ओळख होती. समृद्ध महाराष्ट्र घडवण्यासाठी आपण सर्वांनी नव्या जोमाने कार्यरत राहणे, हीच त्यांना वाहिलेली सर्वोच्च श्रद्धांजली ठरेल, असे सुनेत्रा पवार यांनी आपल्या ट्वीटमध्ये नमूद केले.