Thackeray Brothers : यंदाची भाऊबीज स्पेशल, उद्धव अन् राज बहीण जयजयवंती ठाकरेंच्या निवासस्थानी अन्…

ठाकरे कुटुंबातील कौटुंबिक स्नेह गेल्या काही महिन्यांपासून अधिक दृढ होताना दिसत आहे. भाऊबीजेच्या निमित्ताने उद्धव ठाकरे यांनी राज ठाकरे यांची बहीण जयजयवंती ठाकरे-देशपांडे यांच्या शिवाजी पार्क येथील निवासस्थानी भेट दिली. या प्रसंगी राज ठाकरे देखील आपल्या कुटुंबीयांसह उपस्थित होते. तब्बल २० वर्षांच्या राजकीय मतभेदांनंतर ठाकरे बंधू एकाच ठिकाणी एकत्र आल्याचे हे चित्र कौटुंबिक आणि राजकीय अशा दोन्ही स्तरांवर महत्त्वाचे मानले जात आहे.

या दिवाळीत ठाकरे कुटुंबाने गणेश चतुर्थी, राज ठाकरे यांच्या मातोश्री मधुवंती ठाकरे यांचा वाढदिवस आणि आता भाऊबीज असे अनेक सण एकत्र साजरे केले आहेत. मनसेच्या दीपोत्सवाचे उद्घाटनही प्रथमच उद्धव ठाकरे यांच्या हस्ते झाले होते. या भेटीगाठींमुळे राज ठाकरे आणि उद्धव ठाकरे यांच्यातील संभाव्य राजकीय युतीबाबतच्या चर्चांना जोर आला असून, कार्यकर्ते आणि राजकीय विश्लेषक याकडे लक्ष ठेवून आहेत. सद्यस्थितीत कौटुंबिक नातेसंबंध मजबूत करण्यावर भर दिला जात असल्याचे दिसून येत आहे.