तुळजाभवानीच्या गाभाऱ्यात महिलांना प्रवेश द्यावा, अन्यथा…, तृप्ती देसाई यांनी काय दिला इशारा?

पुणे : महाराष्ट्राची कुलस्वामिनी तुळजाभवानी माता मंदिरात पुन्हा दुजाभाव करण्याचा प्रकार समोर आला आहे. साडेतीन शक्तीपीठांपैकी एक असणाऱ्या देवीच्या मंदिरात भोपे कुटुंबातील महिलांना गाभाऱ्यात प्रार्थना करायला तसेच आराधना करायला नाकारले. नुकतेच विधान परिषदेच्या उपसभापती नीलम गोऱ्हे या देवीच्या दर्शनाला गेल्या होत्या,त्यावेळी त्यांनादेखील प्रवेश नाकारण्यात आल्याचे समोर आले असल्याची माहिती भूमाता ब्रिगेडच्या अध्यक्षा तृप्ती देसाई यांनी दिली आहे. या पार्श्वभूमीवर तृप्ती देसाई यांनी तिथल्या जिल्हाधिकाऱ्यांनी विनंती केली आणि म्हणाल्या, पुरुष आणि महिला भक्तांबरोबर होणारा दुजाभाव थांबवावा, तसेच भोपे कुटुंबातील महिलांना गाभाऱ्यात प्रार्थना करायला तसेच आराधना करायला गाभारा प्रवेश द्यावा, अन्यथा मार्च महिन्यात या भोपे कुटुंबातील महिलांना घेऊन गाभारा प्रवेश करणार, असा इशाराही त्यांनी मंदिर प्रशासनाला दिला आहे.