MahaFast News 100 | महाफास्ट न्यूज 100 | 3 PM | 18 August 2021

अफगाणिस्तानची राजधानी काबुलमधून तालिबानच्या क्रुरतेचे अनेक व्हिडीओ समोर येत आहेत. काबुल विमानतळात जाण्याचा प्रयत्न करणाऱ्या एका नागरिकावर तालिबान्यांनी थेट गोळीबार केला. हा व्हिडीओ सोशल मीडियावर चांगलाच व्हायरल होतोय.

अफगाणिस्तानवर तालिबानींनी कब्जा मिळवल्यानंतर तेथील परिस्थिती अत्यंत वाईट आहे.  अफगाण नागरिकांनी देश सोडण्यासाठी काबूल विमानतळावर केलेल्या गर्दीचे, तालिबानी सैन्य नागरिकांना मारहाण करत असतानाचे असे व्हिडीओ सोशल मीडियावर व्हायरल झालेले आपल्याला पाहायला मिळाले. आता एक नवीन व्हिडीओ समोर आला आहे.

या व्हिडीओत जलालबादमध्ये एका पत्रकाराला तालिबानी सैन्य मारहाण करत आहे. हा व्हिडीओ जगभरातील सोशल मीडियावर तुफान व्हायरल होत आहे. यावर नेटकरी विविध कमेंट करत आहे. या व्हिडीओसह अफगाणिस्तानमधील अनेक व्हिडीओ समोर येत आहेत. यात तालिबानी सैन्य विजयी रॅली काढत असल्याचा एख व्हिडीओ देखील आहे. अफगाणिस्तानमधील परिस्थितीवर जगभरात चर्चा सुरु आहे. मात्र या सर्वावर अद्यापही कोणताच उपाय निघालेला नाही.

Click on your DTH Provider to Add TV9 MARATHI